Isaya 6:11 - Udél Dwata: Gna Kesfasad ne Lomi Kesfasad

¹¹ Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Isaya 6:11 Referans Kwoze

Isaya 1:7

Yóm klamangen benwu ye deng gotu genbà yó kem hohon ye. Ne yó kem syudad gónó ye tehe nô deng gotu ntem le. Igò ye temngel, tódô nled yó kem tólóng tau yóm tonok ye ne gotu hensidek le yóm kdéen nô tahen.

Kem Lingón 94:3

Kmò kegenen de, Dwata? Kmò kegenen de yóm alì kehegmón le yó kem tau gel mò sidek?

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

Kem Lingón 74:10

Kegenen de, Dwata, yóm tódô kbayaem kul hemnê kóm yó kem hohonem? Laen kô dù sónen ne kô yóm tódô kbayaem kul là madat du yóm kóm boluy?

Isaya 32:14

Balù yóm gónô bong yóm tau hol geta bélê ye, angat gotu tódô sentagak le. Yóm yê yó kem syudad ye, laen kô dù bud tauhen. Yó kem gónô bè yó ne yó kem gónô gónó le gel mentey yó kem sendalù ye, angat gotu gbà. Són yó kem kudà tabag ne yó kem ubiha bliwel mótób bè yó.

Isaya 35:1

Bè yó kem kdaw yó, tódô baling hyu yóm benwu tehe là hyu menwu du, tey wen kem bulók tmowok du.

Isaya 60:15

Là bud knogolu kóm ne, Jirusalim ne là bud knutó nawahu kóm. Là bud sentagak le kóm ne yó kem tauhem ne là bud gnómem du ne yóm kifut nawa. Angat tey kehegetahu kóm ne tey keheklóónu kóm. Angati baling benwu hligal, yóm kligal laen dù tul sónen.

Isaya 64:10

Yó kem kóm syudad, hol lómón ke deng le baling benwu là hyu menwu du. Yóm Jirusalim, deng gotu gbà, laen dù bud tau nô lemen.

Jirimaya 22:6

Yó udél Dwata gbak ebè yóm gónô bong yóm tau hol geta bè Juda, monen, “Yóm ktilobem, hol lómón ktilob yóm tonok Gilyad ne lómón ktilob yó kem dlag bè yó kem bulul Libanun. Okóm angat genlau uu ne laen kô dù bud tauhem.

Jirimaya 52:27

Ne bè yó bè Ribla bè tonok Hamat, gotu hfatayen lu yóm tau hol geta bè Babilun. Duhen yó, gotu negef le lu mayuk yó kem tau bè Juda, tnagak le yóm kul benwu.

Danyél 8:13

Ominu mungol yóm lewu hógów Dwata stulón. Snólók yóm sotu, “Ke deng dohò yóm hnigad ni kem deng hton Dwata ni, mò kegenen yóm ketefloken du yóm gel kedsù le ket kdaw? Kegenen se yóm kehegnok le du yóm Gónô Dwata lan le gel hemsù bè yó yóm alì sidek? Kmò kegenen yóm kdaen du e laan yóm Gónô Dwata ne yó kem tau Dwata?”

Mika 2:4

Bè yóm kdaw yó, angat senkuli le yu yó kem hohon ye ne utóm le lingón yóm deng gfà ye, mon le, “Deng me gotu sulék meglà. Deng gotu nwa Dwata tonok me. Yó kem dnadu me, deng gotu blayen ebè yó kem tau megef kum.”

Mika 5:11

Angat gotu genbau yó kem beng botu deng hdà ye hilol yó kem syudad ye ne yó kem dumu deng nmò ye mò gónó ye heklung.

Dwata 28:62

Balù yóm deng tey kból ye ni kmoen ni, lómón kwen ye yó kem blotik bè longit, okóm bè yóm kdaw yó angat tek hilu dù mowil abay se là kô nimón ye ke Dwata yóm sana kuy Dwata hol gónó mogot.

Dwata 28:63

Bè nim kmoen ni, tey kehyu nawa Dwata bè yóm bud kehguléken klowil ye ne bè yóm tey kehbólen kuy. Okóm lemwót bè yóm là kimón ye elem hulin kdaw, bud hyu se nawahen bè yóm angat ktafaken kuy ne bè yóm angat keglaen kuy. Angat gotu hlanahen yu ta yóm tonok móyón nfun ye ni.