Isaya 6:10 - Udél Dwata: Gna Kesfasad ne Lomi Kesfasad

¹⁰ Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

Isaya 6:10 Referans Kwoze

Matyu 13:15

Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

Kul Nmò 28:27

Abay se ni kem tau ni, là móyô le dmalang. Deng mom nseng le klingu le. Deng le mom hidong. Ke bê le nmò yóm yó, dilô le yóm gel ton le, ne glileb le lanen yóm gel gungol le, ngangen ne efet le semfulék ebéléu, mon Dwata, ne gotu le baling bud hyu.’ ”

Jirimaya 6:10

“Ke eles tulónu kul nim udélem ni,” mon Jirimaya mò ke Dwata, “tau du se hmungol dou? Deng henseng le klingu le, là kô hnungol le du yóm udél htugodem dou, deng mom knuli le. Balù udì ke wen óyô le hmungol du.

Sikaraya 7:11

Yó kem tehe fù ye ekni, là kô hnungol le du yóm udélu ni. Tey kehgel le kulu le, mom nseng le klingu le anì là gungol le du.

Isaya 63:17

Moen de ke hlusem mi tabag? Moen de ke alì hgelem kulu me efet knogol me u? Géhél bud senfulékem mi, Dwata, igoen tolo wen kem tau bélê me he mimón kóm, igoen sem mi du yó kem kóm tau lemwót bè hol kbuten.

Kem Lingón 17:10

Laen kô dù keskodu bélê le. Hnungolem dé yóm tey udél le heklabak.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Kem Lingón 119:70

Yó kem tau heklabak yó koni, là hulung le temnef, okóm do, hligale du yóm hlauhem.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Kehewà 11:10

Tahu se, gotu nmò le Musis ne Aron bè solu Faro yó kem hentaw ton hmò Dwata kul yó, okóm sana tolo kehgel Dwata kulu Faro anì là kô hewóten kul bè yóm kun benwu yó kem tau Israél.

Kehewà 10:27

Bud hgel Dwata kulu Faro, yó gónón là hewót kul yó kem tau Israél.

2 Kurin 2:16

Bè tu kem tau tolo golu elem hatay, lómó kul kungef du, hol lómón ke boo sidek mò gónó le matay. Okóm bè yó kem tau deng gewà, lómón kul kungef du, hol lómón ke boo alì minggel mò gónó le mowil. Nim nmò me ni, laen kô dù tau gembek mò du ke tódô óyóen.

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Isaya 19:22

Tahu se, angat tnafak Dwata yó kem tau Idyip, okóm kogolen bè yó bud tnóbóngen lu. Ne beklil le ebè Dwata ne hnungol Dwata se yó kem hni le ne tnóbóngen lu.

Kehewà 7:3

Okóm naw hgel kulu Faro, ne là kô nan e hnungol kuy balù nô kwenen yó kem knikò hmou kuy bè ni bè Idyip.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Kem Lingón 69:23

Hol hbutóem lu. Hol henblatem yóm nbô le efet laen dù bud kgis le.

Isaya 44:18

Yó kem tau mò du yóm yó, laen kô tngón le. Hol lómón ke snefeng le mata le, là móyô le hemdem du yóm ktahuhen.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Kem Udél Hlalak Tehe Selumun 16:30

Tódô gfan bè uyó kem tau yóm katul le mò sidek ne tódô dilô bè kekdol sumóng le yóm deng kmò le sidek.

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.

Isaya 28:13

Yó se gónó Dwata tmolok kuy mlan bè ket sotu betek ne bè ket sotu ktol ne bè ket sotu hennagì. Bè yóm angat kegef le kuy sónmò ye tlokob. Ne wen tey halì ye laen kô dù lan ye gewà, yakà deng ye gotu baling tau negef.