Isaya 6:1 - Udél Dwata: Gna Kesfasad ne Lomi Kesfasad

¹ Bè yóm halay katay yóm tau hol geta bélê me boluyen Usiya, tódô tonu Dwata myón bè yóm gónón myón kmamal, tey kegetahen. Yóm nes tahà gedyol huli du klóón yóm alì kegetahen, botong gefet bè doli yóm Gónô gónóhen nô yóm ktahaen.

Isaya 6:1 Referans Kwoze

Kun Snulat Jan 12:41

Yó gónó Isaya mon du yóm yó, abay se deng tehe eles tonen ne ekni yóm tey kegeta Jisas, ne hol bè Jisas se gónón e gbak yóm tulónen yó.

Deng Hegfan 15:8

Ne tódô henok kebel lem yóm Gónô Dwata lemwót bè yóm tey kegeta Dwata ne yóm tey kfasangen. Ne laen kô tagad husek elemen ke là dengen gotu yó kem hlayam nit yó kem hitu hógów Dwata.

Danyél 7:9

Yóm igou temngel, wen kem bangkù gónó myón kmamal sù le bè yó ne myón tahen yóm Tuha Laen Dù Buten nan e kmukum. Yóm nesen ne yóm weken hol lómón kbukayen snu, hol bukay bè kdéen. Yóm bangkù gónón myón kmamal hono dilóf ofi, là skasen tendo dmilóf yó kem klilingen.

Kem Lingón 113:5

Tmau du se mkél bè yóm sana kut Dwata hol gónó mogot, yóm Dwata myón bè yóm gónón myón kmamal ditu hol fi tta?

Matyu 25:31

“Kesok bud kól yóm Ngà Tau mò mogot klamangen,” mon Jisas, “tódô kdéen hógów Dwata gu bè longit gotu semguyun du, ne angat myón bè yóm gónón myón kmukum.

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Kem Lingón 108:5

Holi hegeta, Dwata, senta kegeta yó kem longit hol geta. Hegfanem bè klamangen tonok yóm tey keslinangem.

Deng Hegfan 4:2

Ne tódô sen-gengen se nô béléu yóm Tulus Dwata. Ne tódô tonu se bè yó bè longit yóm bangkù gónón myón yóm fen kmamal, ne tonu se yóm myón tahen.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Kem Lingón 46:10

Yó udélen, monen, “Henek ye ne anì tngón ye ou se Dwata. Ou se yóm hol dandónen geta bè kdéen tau, yóm hol dandónen geta bè klamangen benwu.”

Deng Hegfan 5:1

Ne tódô tonu se yóm sulat lenulun nkem yóm myón bè yóm gónón myón kmamal, kemen du sigel kwananen. Wen snulat le tahen ne lemen, ne wen hitu dketen.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Isaya 1:1

Nim bok ni gónón nô yóm tehe udél Dwata htugoden ke Isaya ngà Amus. Yóm nô lemen hol gbak ebè yó kem tau menwu bè benwu Juda ne bè syudad Jirusalim. Dê dulék Dwata mudél ebélê le hlanen bè Isaya, nbuten bè yóm tehe kogot Usiya kul efet kól bè yóm kdaw kul kogot benwu le Jutam ne Ahas ne Hisikaya. Hono kem tau hol geta tehe stufì mogot yóm benwu Juda.

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Isaya 12:4

Bè yóm kdaw yó, angat le lemingón yó kem tau, mon le, “Hol ye slamat bè Dwata. Hol ye tmaba ebéléen anì tnóbóngen yu. Tulón ye bè kdéen benwu yóm deng gendengen bélê ye. Hol tulón ye kul yóm tey kegetahen.

Deng Hegfan 6:16

Tmaba le ebè yó kem bulul ne yó kem botu lembang, mon le, “Hugón ye kum eta me dé, bnos ye mi anì là ton matahen kum yóm Hol Geta myón bè yóm gónón kmamal, ne bè yóm tey ksidek kebut yóm Ngà Ubiha.

Deng Hegfan 5:7

Ne lemwót yóm Ngà Ubiha yó koni, tódô nwahen yóm sulat lenulun nogot sigel kwananen yóm myón bè gónón myón kmamal.

Deng Hegfan 4:3

Yóm ktonu du, tódô sminang lemnaw ne hulô, lómón ksinangen yó kem botu dyaspér ne karnilyan. Ne wen tey léwés sminang lemnaw hilolen, lómón ksinangen yóm botu éméral.

Deng Hegfan 4:9

Tey kdóyón le du yóm myón kmamal yó. Ya tey kehegeta le du, ne tey kadat le du, yakà du se yóm laen dù sónen yóm kun klowil. Bè yóm igò le dmóyón du,

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

2 Tutul Israél 18:18

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Danyél 10:17

Là knóónen béléu ke tóe stulón kóm, Sér, yakà olohu tau tóbóng lówóhem. Là bude mgel, botong tô lana nawahu.”

Kehewà 24:9

Omin Musis ne Aron ne Nadab ne Abihu ne hitu folò bè yó kem gel malak yó kem tau Israél mneged eta yóm bulul yó

Job 42:5

Tahu se, Dwata. Bè gnan olohu mungol du yó kem tulón le do lemwót gu béléem. Okóm ni, deng hol dou mata mton kóm.