Isaya 59:8 - Udél Dwata: Gna Kesfasad ne Lomi Kesfasad

⁸ Balù sotu ke wen tau menek nawahen ke nô ye lem blóng le, abay se là tedengen yóm kdê gel nmò ye ne là se tedengen yóm lan lolò ye. Ke wen tau lemolò du yóm kuy lan yó, bà udì ke wen kenek nawahen.

Isaya 59:8 Referans Kwoze

Sulat Pol Ebè Yó Kem Tau Hemtahu Bè Rom 3:17

Là kô tngón le du yóm gónón menek nawa le.

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

Isaya 48:22

“Okóm,” mon Dwata, “yó kem tau gel mò sidek, laen kô kul kenek nawa.”

Kem Udél Hlalak Tehe Selumun 28:18

Yóm tau laen dù belenen tey hyu knóen, okóm yóm tau là tedeng kmoen mekto keglaen.

Kem Udél Hlalak Tehe Selumun 3:17

Yóm tau galak bè khulung hedem hligal ne laen knikoen.

Kem Udél Hlalak Tehe Selumun 2:15

ne bè yó kem tau laen kô ken-gel nawam bélê le ne là se tedeng kmò le.

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Isaya 59:9

Yó udél yó kem tau, mon le, “Deng tngón me ne gónó Dwata là lemwà kum gu lem tdok yó kem tau hemgnok kum. Hendeen me ke wen hlayag du yóm lan me, okóm laen dù ton me, tódô hono kifu.

Isaya 59:11

Tódô sónmò me likò, tendo sidek ktafa nawa me. Hol nalu nawa me ke lenwà Dwata mi bè yó kem tau tendo hemgnok kum, bede là.

Kem Udél Hlalak Tehe Selumun 2:13

ne bè yó kem tau deng kembê du yóm ktedeng kmò anì hlós klolò le du yóm sidek.

Kem Udél Hlalak Tehe Selumun 21:8

Yóm kun kmò klan yóm tau gemsalà là kóen btol, okóm yóm tau laen dù belen kehedemen tedeng yóm kun nmò.

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.