Isaya 59:7 - Udél Dwata: Gna Kesfasad ne Lomi Kesfasad

⁷ Tendo gel natul ye yóm sidek ne tey kódód ye géhél mò du. Tey mahil bélê ye hmatay yó kem tau laen dù sidek nmò le. Balù kihu gónó ye e solu, tey wen tau gel hensidek ye ne hnayam ye.

Isaya 59:7 Referans Kwoze

Kem Udél Hlalak Tehe Selumun 6:17

Tanayen kehegmón. Glewuhen tmulón kéng ne getluhen yóm monok là duón.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

Deng Hegfan 17:6

Ne tódô tonu se deng hlengel yóm libun yó lemwót bè yóm gel kinumen yóm litô yó kem tau hemtahu bè Dwata deng hnatayen ne litô yó kem tau là monol nawa le ebè Jisas. Bè yóm ktonu du, ya tey sidek kehtawu du.

Jirimaya 22:17

“Okóm kóm Jihuyakim, teyi seglom, geli tmulón kéng. Gel hnatayem yóm tau laen dù salaen ne gel hen-gnokem yó kem tau élél ne tey sidek kwitem kul yó kem tauhem.”

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Isaya 59:3

Tau ye mò kéng se kuy, gel ye hemsidek kem dumu tau ne tau ye monok.

Kem Udél Hlalak Tehe Selumun 24:9

Yóm tau book tódô ket natulen sal gónó gemsalà ne kenlit kem dumu tau yóm tau gel semdekà.

Kem Udél Hlalak Tehe Selumun 15:26

Tey keklit Dwata du yóm kul kehedem yó kem tau gel mò sidek, okóm hligal du udél yó kem tau laen dù belen kehedem le.

Matyu 2:16

Timbow dilô Hirod yóm deng kegsukaten bè yó kem tau hulung hménég kógów blotik, ya tey sidek kebuten. Yó nmoen, gotu hfatayen kdéen ngà logi tolo udì bè Bitlihim ne yó kem dumu benwu hmilol bè yó. Lemwót bè yóm ngà logi tolo hulô efet kól bè yóm ngà logi deng lewu halayen, gotu hfatayen lu. Deng eles nsóhen yóm deng kegenen sut yóm blotik lemwót bè yóm ktulón le du du yó kem tau hulung hménég kógów blotik.

Kem Udél Hlalak Tehe Selumun 6:18

Gfaten yóm tendo hemdem matul mò sidek. Glimuhen yóm tendo módód mò sidek.

Isaya 32:6

Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.

Jirimaya 41:7

Okóm tikóng le deng gotu husek elem yóm syudad yó, tódô hnatay Ismaél lu ne tek sfolò tebel bélê le. Gotu bot le elem yóm sol gónó le gel hemyu él lówó yó kem tau deng hnatayen.

Isikél 18:12

gel hen-gnoken yó kem tau élél ne là dog gel huléken yóm kimu sandà le béléen, gel tmaba ebè yó kem dwata kéng ne tendo gel slomong bélê le mò yóm gónó myak.