Isaya 59:16 - Udél Dwata: Gna Kesfasad ne Lomi Kesfasad

¹⁶ Ya tey ketngahen abay se laen dù tau tonen mò tmóbóng yó kem tau gel nongò le, bà sotu. Yó gónóm mon, tódô lemwót bè kun kfasang gónón lemwà kul ne gónón gemmò bè yó kem hohon le.

Isaya 59:16 Referans Kwoze

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Kem Lingón 98:1

Semngal tekuy ebè Dwata yóm lomi sngal, yakà deng nmoen du yó kem tey hentaw ton. Mlan bè kfasangen ne kólósen yóm kgemoen bè yó kem hohonen.

Mark 6:6

Ne tey ketngahen du yóm là kehtahu le béléen yó kem tau bè yó. Timbow bud lemwót bè yó Jisas, nan e tmolok bè yó kem dumu benwu hmilol.

Isaya 52:10

Angat hlan Dwata bè kfasangen yóm kehewaen yó kem tauhen. Angat kdéen benwu bè klamangen, gotu mton du.

Kem Lingón 106:23

Yó gónóm mon, tô genlà Dwata lu. Okóm kendel hsóól Musis yóm tau nélék Dwata. Hkodu Musis bè Dwata anì knogolen yóm alì kebuten kul, ne là genlaen kul.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Isaya 33:2

Ó Dwata, hol knoduhem mi, són uu se nefet nawa me. Hol kenlungem mi ket kdaw. Lenwaem mi ke wen gfà me.

Isaya 33:3

Ke uu yóm gel mung kum bè gida, tódô le gotu mlóy yó kem hohon me ke gungol le yóm tey uni sfatay.

Isaya 40:10

Móyónen kól ne yóm Dwata hol dandónen geta gónó tekuy mogot ne ya tey kfasangen bè yóm kogoten. Angat gotu nwiten yó kem tau deng lenwaen.

Kem Lingón 94:16

Tau du de mofin dou bè yó kem tau gel mò sidek? Tmau du de mfi dou bélê le?

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?