Isaya 59:11 - Udél Dwata: Gna Kesfasad ne Lomi Kesfasad

¹¹ Tódô sónmò me likò, tendo sidek ktafa nawa me. Hol nalu nawa me ke lenwà Dwata mi bè yó kem tau tendo hemgnok kum, bede là.

Isaya 59:11 Referans Kwoze

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Isaya 59:9

Yó udél yó kem tau, mon le, “Deng tngón me ne gónó Dwata là lemwà kum gu lem tdok yó kem tau hemgnok kum. Hendeen me ke wen hlayag du yóm lan me, okóm laen dù ton me, tódô hono kifu.

Kem Lingón 119:155

Yó kem tau gel mò sidek, tey mayuk bélê le yóm kehewaem kul, abay se là kô kenmón le du yó kem hloloem kum.

Kem Lingón 85:9

Bè ktahuhen, là buden legen ne kehewà Dwata yó kem tau wen klikò le du, anì gfan bè klamang benwu tekuy yóm tey keslinang Dwata.

Kem Lingón 38:8

Tódóe mungoy, lómón ke denge muna. Botonge dmolong bè alì ksidek kegnómu du.

Kem Lingón 55:2

Hol hnungolem ou, ne bnalaem ou. Tey sidek klóngónu lemwót bè ni kem tey gfau.

Isaya 59:8

Balù sotu ke wen tau menek nawahen ke nô ye lem blóng le, abay se là tedengen yóm kdê gel nmò ye ne là se tedengen yóm lan lolò ye. Ke wen tau lemolò du yóm kuy lan yó, bà udì ke wen kenek nawahen.

Isaya 59:14

Mom henseng me yóm kukum tedeng. Là kóen gehloni ebélê me yóm tedeng. Là bud gungolem du bè yó kem tau gel bemtad lem fedyan ne yóm ktahuhen. Laen kô bud tonem bè yó yóm tau laen dù kéngen.

Nahum 2:7

Bè yóm deng kdohò yóm olu Dwata bè benwu Ninibi. Tey sidek kegnóm le du yó kem libun tóbóng lówóhen bè yóm kegef le yó. Ya tey klangag le, sónmò le mtung kfu le botong alì klangag le. Hnungolem dlumu le lómón ke udél obun, sónmò le mtung kfu le botong alì klangag le.

Kem Lingón 119:150

Deng le hloni ebéléu ne yó kem tau gel mò sidek tô malu do, kem tau là mimón du yó kem hlauhem.

Nahum 2:8

Yó gónó tekuy hmingón du yóm benwu Ninibi, lómón ke él busung deng tbó, gotu molo yóm él nô lemen. Lómón yó se kmò yó kem tau bè Ninibi, gotu le mlóy. Wen se mon du, “Bê, bê,” okóm mom lenwê le mlóy yó kem tauhen.