Isaya 59:10 - Udél Dwata: Gna Kesfasad ne Lomi Kesfasad

¹⁰ Lómón tô me tau butô gel migóf mógów. Anien ke talak kemdaw sana ketlokob me, abay se mom kmifu bélê me, hol lómón kkifuhen yóm gónó le nô yó kem tau deng matay.

Isaya 59:10 Referans Kwoze

Dwata 28:29

Angat ye tódô mógów migóf baluen ke kemdaw, hol lómón ke yóm tau butô là kô tonen du lanen. Yóm kdê yó kem gel nmò ye laen kô dù uléken. Angat tey kehegnok le kuy yó kem dumu tau lel le mnagaw bélê ye, balù sotu tau ke wen tmóbóng kuy.

Job 5:14

Yó kem tau yó, baluen ke gtungó kdaw lómón kmoen bélê le lómón ke tau butô gel migóf. Là mton le ke kifu, senged nóm ke kemdaw là kô le mton.

1 Jan 2:11

Okóm ke gel knutóhen nawa kem dumuhen, tolo nô lem gónón kmifu he. Yóm tau ke mógów lem kifu, laen bang tngónen lan loloen, abay se kifu mit du là mton.

Kun Snulat Jan 12:40

“Deng hbutô Dwata mata le anì là dilô le du yóm ton le. Deng hgel Dwata kulu le anì là glileb le du yóm gungol le. Là kô le móyô semfulék ebéléu,” mon Dwata, “anì hnifótu lu.”

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Amus 8:9

Bè yóm kdaw yó,” mon yóm Dwata hol dandónen geta, “hesdefu kdaw anien ke tolo gtungó ne hkifuhu talak tonok anien ke tolo kemdaw.

Isaya 8:15

Tey dê bélê le tlokob. Gotu le masà gotu glinaen lu yóm botu yó. Tódô le gotu bkó bè holot.”

Kem Udél Hlalak Tehe Selumun 4:19

Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.

Isaya 8:14

Lemwót bè yóm klaen dù belenu yó, yó gónó le likò do yó kem tau. Hol lómón ke ou yóm botu gónó le tlokob. Ne hol lómón ke ou yóm holot gónó le bkó yó kem tau bè benwu Juda ne bè benwu Israél ne bè syudad Jirusalim.

Isaya 28:13

Yó se gónó Dwata tmolok kuy mlan bè ket sotu betek ne bè ket sotu ktol ne bè ket sotu hennagì. Bè yóm angat kegef le kuy sónmò ye tlokob. Ne wen tey halì ye laen kô dù lan ye gewà, yakà deng ye gotu baling tau negef.

Mika 3:6

Yó gónóm mon, kem tau tugod dwata kéng deng kmifu ne bélê ye, laen dù bud htonu kuy. Deng hol mget kkifuhen bélê ye, là bud gtulón nawa ye du yó kem angat sut elem hulin kdaw. Deng sdef ne kdaw bélê ye kem tugod dwata kéng ne móyón gesón yóm kuy kdaw.