Isaya 55:3 - Udél Dwata: Gna Kesfasad ne Lomi Kesfasad

³ Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Isaya 55:3 Referans Kwoze

Jirimaya 32:40

Angat wen senfasad me yóm fasad laen dù tul sónen. Fasadu kul yóm tendo keblayu kul yóm hyu. Suu bè nawa le yóm tendo klikò le dou ne là kô bud tebel le do.

Matyu 11:28

Mógów ye ebéléu dé, yu kem tau miteg lemwót bè yóm keblat yóm gel nbô ye. Fen henwósu bélê ye yóm blat yó.

Kem Udél Hlalak Tehe Selumun 4:20

Ó Man, hol kenmónem yóm dou udél ne hol henklinguhem yóm toloku kóm.

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

Kul Nmò 13:34

Deng eles tulón Dwata snéen yóm angat kehlowilen ke Jisas, ne yóm là kehboloken du lówóhen lem lebengen. Yó udél Dwata, monen, ‘Angat hdohou etahem yóm tehe fasadu ke Dabid ekni.’

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Kun Snulat Jan 6:37

Kdê yó kem tau hemtahu béléu,” mon Jisas, “sal lemwót bè kun kehlan du Mà. Ne là kô naw e kenbê kul ke wen tau mógów ebéléu.

Isaya 61:8

Yó udél Dwata, monen, “Hol nóyóu yóm kukum tedeng ne alì kenbéu yóm tau gel hemgnok kem dumuhen ne yóm gel mulé udin. Angat dohò keblayu kul ofol yó kem dou tau. Ne wen senfasad me, yóm fasad laen kô dù sónen.

Kem Lingón 78:1

Ó kem dou tau, hol hnungol ye yóm toloku kuy. Henklingu ye yó kem tulónu kuy.

Isaya 54:8

Tehe knogolu yu lemwót bè yóm kebutu kuy, okóm olon likót. Okóm ni, htonu kuy yóm klaen dù sónen yóm kbong nawahu kuy.” Yó se udél yóm Dwata lemwà kuy.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Kun Snulat Jan 8:47

Yóm kun tau Dwata, hol hnungolen yóm udél Dwata. Okóm kuy, là kô ye tau Dwata. Yó se gónó ye là móyô hmungol.”

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Jirimaya 33:26

Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”

Jirimaya 30:9

Yakà ou du ne lolò le yóm sana kul Dwata hol gónó mogot ne sfu Dabid yóm angat geta bélê le yóm tau deng néléku.

Kem Lingón 119:112

Deng eles hendemu ne yóm kimónu du yó kem hlauhem efet kól bè kukol towoku.

Kem Lingón 89:28

Là kô klifótu du yóm deng fasadu du. Ne laen kô dù mtukul sónen yóm deng senfasad me.

2 Samwél 23:5

Deng nélék Dwata yóm dou fes lówó. Yakà deng wen fasaden do, yóm fasad laen dù sónen, fasad mdengen, lelen wen hgeten. Tendo knudung Dwata o anì laen dù hemenu, ne anì wen gónón e kól yó kem nmou.

Matyu 13:16

Okóm kuy tey hyu,” mon Jisas, “abay se dilô ye yóm gel ton ye, ne tngón ye lanen yóm gel gungol ye.

Sulat Pol Ebè Yó Kem Tau Hemtahu Bè Rom 10:5

Deng tehe wen snulat Musis ekni gbak ebè yóm tau tô móyô baling tedeng lemwót bè kloloen yóm hlau. Yó monen, “Balù kihu tau lemolò du yó kem hlau Dwata, angat gutahen se yóm klowil laen dù sónen.”Okóm bud wen monen bè Sulat Dwata gbak ebè yóm kehtahu tekuy mò gónón tedeng ktonen tekuy, yó monen, “Là bud hendem tekuy du ne ke wen tau mógów ebè longit nan e nangay Krays ete tonok.”

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

2 Tutul Israél 6:42

Ó Dwata yóm sana Dwata hol gónó mogot, hol béem abay knogol yóm tau hol geta deng nélékem. Hentulónem nawa yóm là konol yóm kbong nawam ke Dabid yóm tau tóbóng lówóhem.”

Kem Lingón 119:175

Hlowilem o anì tendo dóyónu u, ne yó kem hlauhem yóm tendo tmóbóng do.

Isaya 54:10

Anien ke gotu stunal yó kem bulul, okóm yóm kbong nawahu kuy, laen kô dù sónen. Ne laen dù sónen snéen yóm kenek nawa ye, yó se yóm fasadu kuy.” Ni se udél Dwata, yóm alì kembong nawa kuy.

Jirimaya 38:20

Okóm yó balà Jirimaya ke Sidikaya, monen, “Là. Là kô blay le kóm yó kem sendalù Babilun elem hólól le ke nimónem yóm deng mon Dwata mò kóm. Ke nimónem, là kói matay ne angat hyu kógów klowilem.

Isikél 34:24

Ne angat ou se yóm mò Dwata le ne yóm tau semfu gu bè Dabid yó yóm tóbóng lówóhu, du se mò geta bélê le. Ou se yóm sana Dwata hol gónó mogot yóm mudél ni.

Isikél 37:26

Yó fasadu kul yóm kenek kbenwu le, hol fasad laen dù sónen. Bud blayu kul yóm kul benwu ne angat tey kehbólu kul. Bud hdau lem blóng le yóm dou Gónô ne laen kô dù sónen yóm knóen lem blóng le.

Amus 5:4

Yó bud udél Dwata ebè yó kem tau Israél, monen, “Semfulék ye ebéléu anì mowil ye.

Amus 5:6

Semfulék ye ebè Dwata anì mowil ye. Ke là semfulék ye, hol lómón ke mken ofi kmoen kuy kem tau Israél. Tódô himot hotuhen yó kem tau bè Bétél ne laen kô dù tau tonem mò hmatay du yóm ofi yó.

Tekang Kbuten 49:10

Yóm tuged gel nogot yóm tau hol geta mò ilô yóm kfasangen mogot tau, là kóen lana bè kun ból Juda efet kól yóm sotu sfuhen hol mfun du mogot yóm klamangen. Bè yóm kkólen, gotu nimón yó kem tau bè klamangen benwu.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

2 Samwél 7:29

Duhen ni, ke hyu béléem hol nuyagem ou dalang se yó kem fes lówóhu anì laen dù tul sónen yóm kegeta me bè soluhem. Abay se uu yóm Dwata hol dandónen geta, laen kô dù tul sónen ke wen tau nuyagem.” Là gomongen bè nili yóm tsaptér 8. Yó tulónen bè nim tsaptér ni yóm kalak Dabid yó kem sendaluen ebè gida, yóm kesgida le yó kem tau Idom, ne kem tau Muab, ne kem tau Amunayt, ne kem tau Flistin, ne kem tau Amalikayt ne yó kem dumu hohon le. Bè yóm gel kesgida le yó, sal le gel gemmò le Dabid, ne gwa le yóm benwu gónó le gemmò yó. Bè ni gónón dohò yóm tehe fasad Dwata ke Abraham ekni gbak bè klamang yóm tonok le. Udélen ebélê le bè Hol Kbuten 15:18, ne bè Bok Hlau Dwata 11:24, ominen bè Juswa 1:4 monen, “Yó gónón gkilil yóm tonok yó, lenwóten fi leged bè yóm benwu laen hol wen tauhen efet kól fi bwak yóm bulul Libanun. Yó bud kililen fi dmata kdaw, lenwóten bè Él Yufratis, hnalaken benwu yó kem tau Hitayt efet kól bè Mohin Miditiranyan fi desdef.” Ne bud tulónen bè nim tsaptér ni snéen yóm tey ktilob kwit Dabid yó kem tau nogoten.

Kem Lingón 89:29

Laen kô dù sónen yóm kogoten benwu, hol lómón yóm klaen dù són longit. Sal gel wen bè yó kem semfu gu béléen angat baling tau hol geta.

Kem Udél Hlalak Tehe Selumun 7:2

Hol nimónem yóm dou hlolò anì tahà ktauhem. Hol hentilobem mimón du abay se alì bong muhen yó kem toloku kóm.

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.