Isaya 55:2 - Udél Dwata: Gna Kesfasad ne Lomi Kesfasad

² Moen ke gotu namà ye filak ye bè yóm gónón là gsengel nawa ye? Moen ke gotu namà ye sukéy ye ne deng ye mom bud mulék bitil sentahen? Ni hol hnungol ye ou ne hol nimón ye yóm monu. Nénég ye ke là wen kligal ye mken du yóm ken hol hyu bè kdéen.

Isaya 55:2 Referans Kwoze

Jirimaya 2:13

“Yakà deng wen lewu salà nmò le béléu yó kem dou tau. Deng tebel le ou, yóm sfut él gónó le mowil ne deng wen sol nokol le nbeng le botu mò gónó le hemsù él, okóm deng mom molo yóm él sù le lemen.”

Kem Lingón 36:8

Tendo henkenem lu lemwót bè yóm tey ken deng eles nô bè gónóem. Ne gel hinumem kul yó kem kóm él mlel alì hyu bélê le.

Kem Lingón 22:26

Bè yóm kdaw yó, tey kehdengen le mken yó kem tau élél. Ne tey kdóyón le ke Dwata yó kem tau hloni ebéléen. Hol laen kô dù tul sónen yóm kehyu Dwata klowil le.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

Jirimaya 31:14

Tendo wen tey ken hyu blayu ebè yó kem tau blóng ebéléu ne hegsengelu nawa yó kem tauhu lemwót bè yóm tey hyu blayu kul. Ou se Dwata nim mudél ni.”

Hbakuk 2:13

Yóm tey kliteg le yó kem tau hefdà du yóm benwu yó, okóm wen dumu benwu angat bud gmida du gotu ntem le, gotu baling kohù yóm kdéen. Tey kehmò le du, okóm laen kô dù uléken. Yó se deng fasad yóm Dwata laen dù là gbeken du.

Mark 7:14

Ne bud senbung Jisas ebéléen yó kem tey tau wen, ne monen mò kul, “Hol hnungol ye nim monu ni, yóm kdê ye, anì tngón ye.

Matyu 22:4

Ominen wen dumu tau bud hógówen etu bélê le, monen mò kul, ‘Tulón ye kul deng deng ne yóm ken nmou. Deng wen kem safì tnétéu, dalang se yó kem ngà safì mabù, deng gotu tnétéu. Deng gotu deng ne kdéen. Géhél le do edini ne bè nim ken bong nmou bè lówó yóm ngau logi.’

Kem Lingón 63:5

Angat tey kegsengel nawahu du yóm kehlonihu béléem, hol lómón ke hdengene mken bè yóm mò ken bong. Hligale lemingón béléem mò gónóhu dmóyón kóm.

Sulat Pol Ebè Yó Kem Tau Hemtahu Bè Rom 9:31

Okóm yó kem tau Israél alì kemtes yóm ktedeng kton Dwata kul, tô hlan le bè yóm klolò le yóm hlau Musis. Okóm là, là kô guta le du yóm tô ktes le yó.

Matyu 15:9

Laen kô dù muhen yóm gel ktaba le ebéléu, abay se són hlau lenbù nmò tau yóm gel tolok le, okóm bè ktolok le du, hol lómón ke hlau lemwót béléu.’ ”

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.

Kem Udél Hlalak Tehe Selumun 9:5

“Géhél ye e dini na ye e ken yóm dou ken na ye e ninum yóm dou ninum deng wen bolen.

Kem Lingón 34:11

Ó kem weu lomi lemnok, hol hnungol ye ou. Wen toloku kuy anì wen klikò ye ke Dwata.

Sulat Pol Ebè Yó Kem Tau Hemtahu Bè Rom 10:17

Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Kun Snulat Luk 15:23

Omin ye mangay kut yóm ngà safì mabù mò tnétê ye anì na tekuy hol hligal mken.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

Isaya 25:6

Bè yóm bulul Sayun ni, angat wen tey ken bong nmò Dwata du yóm Dwata laen dù là gbeken du. Nmoen bè yó kem kun tau bè klamangen benwu yóm ken alì tilob ne yóm ninum alì mnóm.

Kem Udél Hlalak Tehe Selumun 8:32

Duhen ni kem ngà, hol hnungol ye o. Wen kligalen yóm tau mimón do.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Kem Udél Hlalak Tehe Selumun 7:23

ne tódô mtool hosoen. Yóm logi ni, hol lómón ke yóm onuk mlan e seblà yóm gónón wen holot, là kô tngónen du ke yó hatayen.

Kem Udél Hlalak Tehe Selumun 1:33

Okóm kihu tau hmungol do, hyu knóen ne laen se bang tódô du ne laen se bang sidek knikoen.” Duhen ni se utóm taba yóm khulung hedem.

Matyu 5:6

Tey kehyuhen bélê le kul yó kem tau ke hol nô bè nawa le mò du yóm kun kóyô Dwata, abay se Dwata angat hol hegsengel nawa le.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Jirimaya 17:24

Okóm kuy, ke nimón ye ou mon Dwata, ne ke là hembalù ye bè yóm Kdaw Kehegnô ne ke là mò ye nmò ne ke hol hetfing ye ebéléu yóm kdaw yó,