Isaya 53:8 - Udél Dwata: Gna Kesfasad ne Lomi Kesfasad

⁸ Tódô kenfô le. Ne yó kukum le du, hatay. Omin le mit du ebè yóm gónó le hmatay du. Là kô hendem le du yóm katayen. Okóm bè ktahuhen, lemwót bè salà tekuy se gónón matay.

Isaya 53:8 Referans Kwoze

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Kul Nmò 8:33

Tódô kem henyak le, là kô dog hlan le du bè yóm kukum tedeng. Laen se kô dù tau semtulón du ke wen semfu gu béléen, abay se kendel mom lensón le klowilen.”

Kun Snulat Jan 19:7

Bnalà yó kem tau, mon le, “Wen hlau bélê me deng nuléhen nim tau ni, bè yó se gónón matay. Abay se deng bnoluyen knóen Ngà Dwata.”

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Danyél 9:26

Kogol yóm fat latu bud tlu folò fat halay yó, omin le hmatay yóm tau deng nélék Dwata mò kmamal yóm klamangen ne balù udì ke wen tebelen. Ominen wen angat sut sotu tau alì mfasang mogot benwu ne yó angat nmò yó kem sendaluen, gotu genbà le yóm syudad ne yóm Gónô Dwata nô lemen. Yóm kmò kkól yóm hol són kdaw, hol lómón ksut dunuk. Angat wen gida efet kól bè sónen, mung du yóm tey keglayam tau lemwót bè yóm kegbà benwu le, yó se yóm tehe deng eles olu Dwata kul.

Sulat Pol Ebè Yó Kem Tau Hemtahu Bè Rom 1:4

Bud tulónen snéen yóm hol tahu keDwatahen. Yó gónó Dwata hegfan du yóm kngaen du, duhen yóm bud kehlowilen du bè yóm tehe katayen, hlanen bè yóm tey kegbeken.

Isaya 53:5

Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Kem Lingón 69:12

Sentulón le ou bè gónón wen. Balù yó kem tau lengel, gel utóm le ou lingón.

Matyu 1:1

Ni se kmò kestugoden yóm gónó Jisas Krays gu semfu bè yóm tehe kehbalingen tau. Semfu gu bè yóm tehe Dabid. Ne ke Dabid, sfu yóm tehe Abraham.

Kem Lingón 88:5

Deng tódô bayà le ou matay. Lómón ke ou yóm tau deng hnatay le nô lem lebeng, yóm tau deng tódô klifótem, yóm tau là buden gomong bè yóm tóbóngem.