Isaya 53:7 - Udél Dwata: Gna Kesfasad ne Lomi Kesfasad

⁷ Tey sidek kmò le du, okóm tódô hen-ganagen nawahen hembala du. Hol lómón yóm ngà ubiha móyón senbalì là kóen mudél, duhen ke yóm ubiha móyón nóngós le béléen bulen là kóen mudél.

Isaya 53:7 Referans Kwoze

Matyu 26:63

Okóm là dogen mudél Jisas. Ominen bud mudél ebéléen yóm tau geta yó koni, monen, “Wen snólóku béléem. Bè yóm kbalaem du, hol hlanem bè boluy yóm Dwata laen dù tul katayen. Tulónem kum kun ktahuhen ke uu yóm Misaya, yóm hol Ngà Dwata.”

1 Pitér 2:23

Bè yóm tehe kehnê le du, là kô nan e bnalà kul. Bè yóm tehe keglayamen, là kô nan e nifis kul. Tódô snaligen Dwata, abay se tngónen yóm kkukum Dwata, tey tedeng.

Mark 14:61

Okóm là dog bnalà Jisas du, tódô neb. Ominen bud mudél yóm tau hol geta yó koni, monen, “Uu kô yóm Misaya, yóm hol Ngà Dwata?”

Kun Snulat Jan 19:9

Tódô bud husek elem gónóen, ne bud snólóken Jisas, monen, “Tedu de hol gónóm gu lemwót?” Okóm là dog bnalà Jisas du.

Kun Snulat Luk 23:9

Yóm deng kkól Jisas bè yó yó, tey dê snólók Hirod béléen, okóm balù sekteb ke wen balà Jisas du.

Mark 15:5

Okóm là kô dog bnalà Jisas kul, balù sekteb. Tey ketnga Paylét du yóm là dog kbalà Jisas kul.

Kun Snulat Jan 1:29

Timbow hayahen bè yó, ton Jan Jisas mógów ebéléen. Bè yóm ktonen du, monen mò yó kem tau, “Ngem yó dé yóm Ngà Ubiha Dwata mò angat dsù Dwata mò mkó salà kdéen tau.

Deng Hegfan 5:6

Ominu yó mton yóm Ngà Ubiha mdà bè solu yóm myón bè yóm gónón myón kmamal, ne lem blóng yó kem fat mtulus, ne lem blóng yó kem tau tuha. Okóm bè yóm ktonu du, hol lómón ke deng wen tehe hmatay du. Wen hitu hangahen ne hitu se matahen. Yóm hitu yó, hnigaden yóm hitu kay kfasang yóm Tulus Dwata deng hógówen ebè klamang benwu.

Kem Lingón 44:22

Okóm lemwót bè yóm klolò me kóm, Dwata, gónó le tendo tô hmatay kum ket kdaw. Hol me mkél bè yóm ubiha gel hnatay le.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Kem Lingón 38:14

Lómón ke ou yóm tau bokong ne tau umew, là gbeku malà kul.

Kem Lingón 38:15

Uu se yóm dou nangat, Dwata. Uu se malà kul, yakà uu du yóm sana Dwata hol dou gónó mogot.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.