Isaya 53:5 - Udél Dwata: Gna Kesfasad ne Lomi Kesfasad

⁵ Okóm tódô lemwót bè salà tekuy yóm gónón hnalì yó. Ne lemwót bè ksidek nmò tekuy gónó le alì hemsidek mfes du. Fen tekuy tódô hyu lemwót bè yóm alì sidek ktafak le du. Gotu mkó ta tekuy yóm kdéen sidek lemwót bè yóm alì sidek kfes le du.

Isaya 53:5 Referans Kwoze

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Matyu 20:28

Yakà lómón ni du se yóm kun nmò yóm Ngà Tau. Là kô yó du nógówen edini ke fen na a hdatù lem blóng kem tau. Okóm yó nógówen mò na e tmóbóng kul. Angat hamaen yóm kun klowil mò msok yó kem tey dê tau gu lem hatay.”

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Hibru 10:14

Duhen yó, olo tek suléken demsù, sana gotu hguliten yó kem tau deng hólósen bè yó kem salà le. Bè yóm kehguliten kul yó, laen dù tul sónen.

Sulat Pol Ebè Yó Kem Tau Hemtahu Bè Rom 4:25

Deng fen tódô hamà Dwata Jisas mò matay bè salà tekuy, okóm deng bud hlowilen gu lem hatay. Yó se yóm deng nmò Dwata mò gónón tedeng ktonen tekuy.

Hibru 10:10

Lemwót bè yóm deng kimón Jisas Krays du yóm kun kóyô Dwata, yó gónó tekuy mólós bè kton Dwata tekuy mlan bè yóm khamà Jisas klowilen bélê tekuy. Tek suléken mò du, ne laen dù bud seefen ne yóm nmoen yó.

1 Kurin 15:3

Deng tehe toloku kuy se yóm tulón deng dou dnalang, yóm tulón alì bong muhen bè kdéen, duhen yóm katay Krays lanen mbô yó kem salà tekuy. Ni se yóm tehe hsulat Dwata ekni.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Hibru 5:8

Baluen ke du se yóm hol kun Ngà Dwata, kaem nan na hol dnalang yóm kimónen ke Maen mlan bè keglayamen.

Kem Lingón 30:2

Ó Dwata yóm sana dou Dwata hol gónó mogot, denge mni tóbóng béléem, ne gotu hkóhem béléu yóm desu

Kem Udél Hlalak Tehe Selumun 20:30

Yóm lebened lemwót bè kestódô gónón mkó yóm nmò sidek ne bè yóm kboug gónón sfili yóm kehedem tau.

Isaya 6:7

Lemwót yóm bala ofi nwiten, duen bè sumóngu ne yó udélen ebéléu, monen, “Lemwót bè yóm kduu bè sumóngem ni deng mkó tahem ne yóm hen-gselem yó. Ne deng gotu hnifót Dwata ne yó kem salaem.”

Isaya 40:2

Hol genduf ye lu yó kem tau bè Jirusalim. Tulón ye kul deng geblaen yó ne yóm keglayam le ne deng gotu hnifótu ne yó kem salà le. Yóm deng ktafaku kul, tódô geblà du ne bè kdê yó kem salà tehe gel nmò le.”

Isaya 57:18

Deng gotu tonu yó kem nmò le, okóm angat kóhu bélê le yó kem salà le. Nalaku lu ne tnóbóngu lu ne henyuhu nawa yó kem langag.

Job 33:24

lemwót bè yóm kkodu Dwata du yóm tau yó, yó udélen ebè yóm hógówen, monen, ‘Hol lenwaem yóm tau yó. Là hyuhen ke hlós elem hatay yakà deng wen tonu mò soken du yóm klowilen.’