Isaya 53:2 - Udél Dwata: Gna Kesfasad ne Lomi Kesfasad

² Bè yóm kenoken lem blóng me yóm tau tóbóng lówó Dwata yó, hol lómón yóm ngà hulu tmowok bè yóm gónón alì mékéng tonok. Laen dù kegeta ton me béléen, duhen ke wen ktiloben mò kenteng mata tau béléen. Laen dù bang alì hentaw me béléen mò gónón gmung nawa me.

Isaya 53:2 Referans Kwoze

Isaya 52:14

Tódô le neb yó kem tau bè yóm tehe kton le du, là hol dilô le du lówóhen ke lówó tau.

Isaya 11:1

Yóm kun kesfu tehe Dabid hol lómón yóm koyu deng nofok. Okóm yóm tuhoden bud wen lomi uléken. Hol lómón se yó ne ke Dabid, angat wen bud lomi tau hol geta semfu gu béléen.

Mark 6:3

Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Mark 9:12

Bnalà Jisas se lu, monen, “Tahu se yó, gna sut Ilaydya mò fen na a hemtifes yóm kdéen. Okóm monen bè Sulat Dwata, nan hol glayam he yóm Ngà Tau, ne angat senkbê le.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

1 Pitér 2:14

Dalang se yó kem gubérnor deng néléken mò fen tmafak yó kem tau gel mò sidek, ne mò fen gel dmóyón yó kem tau mò yóm hyu.

Kun Snulat Jan 19:5

Omin Jisas bud hewà, nô bè kuluhen yóm sual lenikin le yó, ne leseken se yóm nes ginggung. Mon Paylét mò kul, “Ngem, ni sii yóm tau yó.”

Kun Snulat Jan 18:40

Deng le mom gotu hetê yó kem tau, mon le, “Béem hewà yóm tau yó. Barabas dé hewaem.” (Nim Barabas ni, sotu tau gel mulé udin.)

Kun Snulat Luk 9:58

Bnalà Jisas se, monen, “Wen kul lefunges yó kem bolos, ne wen se kul sala yó kem onuk lem bnes, okóm yóm Ngà Tau laen kô dù mdengen gónóhen hegnô.”

Sikaraya 6:12

Tulónem du udél yóm Dwata laen dù là gbeken du, yó monen, ‘Ngem, yóm sotu tau bnoluy Hanga. Tey angat ktubeden, du mò bud hemdà du yóm dou Gónô.Tahu se, du se angat hemdà du yóm kun Gónô Dwata ne tey kadat le du lómón kadat le yóm tau hol geta ne nogoten yó kem tauhen lemwót bè yóm gónón myón kmamal. Ne lenwóten bè yóm gónón myón kmamal, bud du se mò blóng le ebè Dwata ne tey tilob kessogot yóm lewu nmoen yó.

Kun Snulat Luk 2:7

Logi yóm ngaen, hol tebà lówóhen. Wen nes bausen du, ne heflililen ta yóm gónó le gel hemsù ken kudà, abay se là bud wen gónó le nô lem yóm gónô gónó le gel mefet tungô yó kem tau mógów.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.