Isaya 53:11 - Udél Dwata: Gna Kesfasad ne Lomi Kesfasad

¹¹ Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Isaya 53:11 Referans Kwoze

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

Sulat Pol Ebè Yó Kem Tau Hemtahu Bè Rom 4:24

okóm mò gónó tekuy dmalang se. Yó gónón tedeng kton Dwata tekuy ke deng tekuy hemtahu béléen. Du se fen deng hlowil ke Jisas gu lem hatay yóm gónó tekuy mogot.

Kun Snulat Jan 17:3

Ni se hol lanen yóm klowil laen dù sónen monu yó, duhen yóm deng ketngón le kóm, yóm tahu Dwata, ne yóm deng ketngón le dou, Jisas Krays, yóm deng hógówem elem benwu.

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

Hibru 9:28

Senged snéen yóm Krays. Tek suléken matay bè yóm tehe kedsuen klowilen mò hkó salà yó kem tey tau wen. Angat bud semfulék edini, bede là kóen na a bud hkó salà. Okóm yó nógówen, senfuléken yó kem kdéen tau hemtahu deng hemdón mangat du.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Kun Snulat Jan 16:21

Hol lómón yóm libun sut blututen. Tey sidek kegnómen du yóm hanà lelen kmuleng yóm ngaen. Okóm ke deng sut yóm ngaen, klifóten ne yóm ksidek kegnómen du, ne bud hligal lemwót bè yóm ngà lomi sut lem benwu.

Matyu 20:28

Yakà lómón ni du se yóm kun nmò yóm Ngà Tau. Là kô yó du nógówen edini ke fen na a hdatù lem blóng kem tau. Okóm yó nógówen mò na e tmóbóng kul. Angat hamaen yóm kun klowil mò msok yó kem tey dê tau gu lem hatay.”

Isaya 53:8

Tódô kenfô le. Ne yó kukum le du, hatay. Omin le mit du ebè yóm gónó le hmatay du. Là kô hendem le du yóm katayen. Okóm bè ktahuhen, lemwót bè salà tekuy se gónón matay.

Isaya 45:25

Tek són ou angat lemwà yó kem semfu gu bè tehe Jakub ne tey kdóyón le do.”

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

2 Jan 1:3

Yó hem Dwata, yóm Mà tekuy ne Jisas Krays yóm Ngaen, hol tendo gel tmóbóng ne kmodu ne tendo henek nawa tekuy. Ni se uléken yóm gel klolò tekuy du yóm ktahuhen ne yóm gel kesbong tekuy nawa.

2 Jan 1:1

Ou se yóm tuha logi gónóhen lemwót nim sulat ni. Smulate ebè yóm sotu libun deng nélék Dwata, dalang se ebè yó kem ngaen. Tey kbong nawahu kuy yóm kdê ye. Là sónen du ou yóm wen nawahen ebélê ye, okóm kdê yó kem tau deng temngón du yóm hol ktahuhen lemwót bè Dwata.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

Glasya 4:19

Ó kem ngà gónón mogot nawahu, gu laan ye là deng gmulit yóm kun kmò Krays, tey sidek kegnómu du. Lómón kegnómu du, lómón yóm libun kmuleng blututen.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Sulat Pol Ebè Yó Kem Tau Hemtahu Bè Rom 5:9

Ke deng fen hamà Jisas yóm kun litô anì baling tedeng kton Dwata tekuy, milud he yóm angat kehewaen tekuy gu lem yóm tafak Dwata bè yóm hol són kdaw.

Kun Snulat Jan 12:24

Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.

Kun Snulat Luk 22:44

Tódô kem hotuhen nawahen mni bè Dwata igoen alì sidek kegnómen du. Bè yóm knihen yó, yóm ingeten temdak ebè tonok, hol lómón litô.

Isaya 49:3

Yó monen mò dou, “Yu kem tau Israél kem tau tóbóng lówóhu, lemwót bélê ye gónó le angat dmóyón do yó kem dumu tau.”

Isaya 52:13

Yó udél Dwata, monen, “Yóm tau tóbóng lówóhu, angat gdengen yóm hmou du ne tey kehegetahu du.

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.