Isaya 53:1 - Udél Dwata: Gna Kesfasad ne Lomi Kesfasad

¹ Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Isaya 53:1 Referans Kwoze

Kun Snulat Jan 12:38

Lemwót bè yóm là kehtahu le du, ni se gónón dohò yóm tehe hsulat Dwata yóm sotu tehe tugoden boluyen Isaya, yóm monen, “Ó Dwata, laen dù tau hemtahu du yóm gel tulón me. Ne yó kem tau gónóm deng hegfan du yóm kfasangem, là kô glileb le du.”

1 Kurin 1:18

Bè yóm gel ktulón me yóm katay Jisas bè kros, ofo kul mon du yó kem tau tolo golu elem hatay ke tulón laen dù muhen. Okóm bélê tekuy kem tau deng gewà gu lem hatay, tódô tngón tekuy bè yó gónón gfan yóm tey kfasang Dwata.

Kun Snulat Jan 1:12

Okóm kdê yó kem tau hemmóyô du, ne hemtahu béléen tódô benlayen lu kwalis baling ngà Dwata.

Matyu 16:17

Mon Jisas se mò ke Pitér, “Tey hyu kóm Simun ngà Jan, abay se là lemwóten bè tau yóm kdilóem do, okóm tódô lemwót bè Mà bè longit.

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

Isaya 40:5

Ominen yó he gfan yóm tey kegeta Dwata ne tódô kdéen tau angat gotu mton du. Ni se yóm deng fasad Dwata tekuy.”

Isaya 52:10

Angat hlan Dwata bè kfasangen yóm kehewaen yó kem tauhen. Angat kdéen benwu bè klamangen, gotu mton du.

Kun Snulat Jan 1:7

Yó gónó Dwata hógów du anì nan e hetngón bè yó kem tau yóm layag yó koni anì kdéen tau hmungol du yóm tulónen ne hemtahu du.

Kun Snulat Luk 18:31

Omin Jisas mit kul hetsik yó kem sfolò lewu gel lemolò du, yó monen mò kul, “Hol hnungol ye ni. Bè yóm kkól tekuy bè Jirusalim bè nim kógów tekuy ni, angat gotu dohò eta yóm Ngà Tau yó kem kdéen tehe eles snulat yó kem gna tugod Dwata ekni.

Isaya 59:16

Ya tey ketngahen abay se laen dù tau tonen mò tmóbóng yó kem tau gel nongò le, bà sotu. Yó gónóm mon, tódô lemwót bè kun kfasang gónón lemwà kul ne gónón gemmò bè yó kem hohon le.