Isaya 50:2 - Udél Dwata: Gna Kesfasad ne Lomi Kesfasad

² Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Isaya 50:2 Referans Kwoze

Isaya 59:1

Ofo kuy mon du ke yó gónó Dwata là lemwà kuy abay se là bud gbeken du ne. Ne yó gónón là hmungol du yóm gel kehtóbóng ye béléen abay se deng bokong. Là kô yó du.

Lista 11:23

Ne yó balà Dwata du yóm udél Musis yó, monen, “Wen kô yóm là gbeku du? Móyón tonem ne ke tahu duhen ke là ni kem monu ni.”

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Kem Udél Hlalak Tehe Selumun 1:24

Ket kiwólu deng tmaba kuy sbol tinoku yu, okóm là kô ye móyô hmungol ne là se kô kenmón ye do.

Kun Snulat Jan 1:11

Deng tódô kól bè yóm hol kun benwu, okóm mom là dog henmóyô le du yó kem kun tau.

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Isaya 59:16

Ya tey ketngahen abay se laen dù tau tonen mò tmóbóng yó kem tau gel nongò le, bà sotu. Yó gónóm mon, tódô lemwót bè kun kfasang gónón lemwà kul ne gónón gemmò bè yó kem hohon le.

Isaya 43:16

Yóm tehe yu ekni, nmò Dwata yóm lan lem mohin igò yóm él tódô temgulung.

Isaya 42:15

Angat gotu genbau yó kem bulul lemnek kkólen bè yó kem bulul geta ne gotu hlenesu yó kem bnesen ne koyuhen. Yó kem benwu tehe wen él mlel du, angat henbalingu lu benwu là hyu menwu du ne gotu hektihu yó kem él tehe bnusungu.

Kehewà 14:21

Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Kehewà 7:21

Gotu matay yó kem utónen ne tey moo yóm él ne là kô le ginum du yó kem tau Idyip. Tódô baling litô yó kem kdéen él bè klamangen Idyip.

Kehewà 7:18

Gotu matay yó kem utónen ne tey moo yóm él ne là bud le ginum du yó kem tau Idyip.’ ”

Kun Snulat Jan 3:19

Ni se hol gónó tau megtuled. Deng kól lem benwu ne yóm layag. Okóm mom yó nóyô tau yóm gónón kmifu senta yóm layag lemwót bè yóm gel kmò le sidek.

Mark 4:39

Omin Jisas yó hboluk btik ne mudél ebè yóm lenos, monen, “Botongem ne.” Ne bud monen ebè yóm lewók, “Heneki ne.” Tahu se, tódô kemnas yóm lenos ne menek te lanaw.

Danyél 6:20

Timbow kól bè yó, ominen tmaba ke Danyél igò yóm tey ktafa nawan, monen, “Ó Danyél yóm tóbóng lówó yóm Dwata là matayen, gbeken lemwà kóm bè yó kem liyun kô yóm kóm Dwata tendo nimón?”

Isaya 36:20

Yóm kdéen dwata bè yó kem dumu syudad yó, là kô gbek le lemwà du yóm kul syudad gu lem tdok yóm tau hol geta bélê me. Ke yó se kmoen, moen de ke hendem ye gbek yóm kuy gónó mogot lemwà kuy, yu kem tau bè Jirusalim?”

Kem Lingón 107:33

Yóm Dwata, deng tódô hektihen yóm él mlel, ne deng hektihen yó kem tbul él.

2 Tutul Israél 32:15

Yó gónóm mon, bê ye abay hegsukat bè Hisikaya, bê ye abay hegtondo béléen ne hol bê ye abay hentahu, abay se laen kô dù dwata bè dumu benwu ke deng gbek le lemwà kem tau le lem hólólu, ne lem hólól yó kem tau hol geta tehe fù me. Sélét mom tô Dwata ye ne gembek lemwà kuy lem hólólu.”

Kehewà 14:29

Okóm kul yó kem tau Israél, deng le gotu mlan gu lem mohin bè gónón mékéng tonok, tódô sbusung sfatà kilil yóm tey él.

Kem Lingón 106:9

Dóken mesgólól yóm Mohin Hulô. Tahu se, tódô gfan yóm tonok mékéng. Nalaken yó kem tau Israél mlan etlem sokol mohin, bè gónón mékeng tonok, hol lómón kékéng yóm tonok bè yóm benwu laen hol wen tauhen.

Danyél 6:27

Gel lenwaen yó kem kun tau. Wen tey hentaw ton gel nmoen ditu bè longit ne dini talak tonok. Deng lenwaen Danyél lem yóm tey klóbô yó kem liyun.”

Jirimaya 7:13

Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.

Isaya 44:27

Ngem yó dém mohin bong, olo lemwót bè udélu gónón kti.

Isaya 54:6

Yu kem tau Israél, hol ye mkél bè yóm libun lomi myehen, mom kendel tebel tuha logihen ne tey sidek kegnómen du. Okóm ni, bud tnaba Dwata yu anì mulék ye ebéléen, yó monen,

Jirimaya 7:27

Duhen ni Jirimaya, hol tulónem yó kem dou tau nim udélu ni, okóm là kô hnungol le kóm. Ke tnabahem lu anì wen eles hetgamahem kul, là kô bnalà le kóm.

Jirimaya 14:9

Moen de ke laen dù gmoem, lómón yóm sendalù là gbeken du tmóbóng? Uu se hol nô bélê me, Dwata, ne mi se yó kem kóm tau. Hol béem abay tódô bayà mi.”

Jirimaya 35:14

Yó kem sfu Rikab là kô le minum tifas grép, abay se deng monen mò kul yóm fù le Jihunadab hol bê le abay minum. Okóm dou, tendo sensulit tulónu kuy ne là kô hnungol ye dou.

Hbakuk 3:8

Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.