Isaya 5:7 - Udél Dwata: Gna Kesfasad ne Lomi Kesfasad

⁷ Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Isaya 5:7 Referans Kwoze

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Kun Snulat Luk 18:7

Milud he kofin Dwata yó kem kun tau tendo gel mni tóbóng béléen ket kdaw ne ket kifu. Là kô feng gnanggaen kul.

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Isaya 5:2

Hyu senbwólen yóm tonoken ne gotu kóhen yó kem botuhen. Ne wen tinu grép alì hyu huluhen bè yó. Ne wen se gónô geta hdaen bè yó mò gónó le nô yó kem tau mentey du. Ne eles wen sol nmoen bè botu mò gónón smóyów mdà yó kem bungu grépen. Ominen yó mangat yóm klélélen. Okóm bè yóm deng kutahen du mom hono msom.

Isaya 1:6

Tódô lenwóten bè kulu ye efet kól bè ti ye laen kô hyu du. Tódô hono lebened ne hono mgas ne hono halì. Bà udì ke olò wen hemgifat du, duhen ke wen mulung du, duhen ke wen hmunges du.

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Kem Lingón 149:4

Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.

Kem Lingón 147:11

Okóm tey hligal bè yó kem tau wen klikò le du, yó kem tau gentud nawa le yóm là konol yóm kbong nawahen kul.

Kem Lingón 80:15

Géhél nam e tnóbóng yóm tehe huluhem, igoen tehe tilob ktowoken, lelen mabù.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Tekang Kbuten 4:10

Omin Dwata bud mon du, “Tey, Kain, moen ni du ke nmoem nim tey sidek ni? Deng tonu litô twolihem dmanag bè tonok, lómón ke dawaten ou anì bnelesu.

2 Samwél 7:10

Ne deng wen benwu blayu kul yó kem tauhu Israél mò gónó le hlós nô. Lómón ke huluhu lu tahen anì wen mdengen kul benwu, ne laen kô dù bud hmala kul bè yó. Là bud hen-gnok le kul ne yó kem tau hono sidek nmò le lemwót bè dumu benwu, lómón yóm tehe deng gel nmò le bélê le,

Isaya 27:2

Bè yóm kdaw yó, angat wen tulón Dwata gbak ebè yóm tey tonok tilob gónóhen mò hulu, yó angat monen,

Isaya 30:12

Okóm ni se kun udél ebélê le yóm Dwata yó kem tau Israél yóm Dwata laen dù belenen, monen, “Là kenmón ye du yóm dou udél. Tódô snalig ye yóm kehsidek ye tau ne yóm ksukat ye kul.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Isaya 59:14

Mom henseng me yóm kukum tedeng. Là kóen gehloni ebélê me yóm tedeng. Là bud gungolem du bè yó kem tau gel bemtad lem fedyan ne yóm ktahuhen. Laen kô bud tonem bè yó yóm tau laen dù kéngen.

Jirimaya 24:2

Yóm sotu abì tonu tódô hnok fig mélél lemen. Okóm yóm sotuhen hono bolok yóm fig nô lemen, là bud hyu mken du.

Isaya 1:21

Tehe yu ekni tey le teneb lemolò ke Dwata yó kem tau menwu bè Jirusalim. Okóm là ne ni, deng tey dê dwata kéng lolò le, hol le mkél bè yóm libun hdóyón. Yó kem tau tehe menwu bè yó hono kem tau tedeng knawa le. Okóm ni, són tau monok tebel du.

Isaya 46:12

Hol hnungol ye ou yu kem tau mgel kulu. Ofo kuy ke tolo mima he yóm kegmò ye bè yó kem hohon ye.

Hbakuk 1:3

Moen de ke alì htonem do ni kem sidek gel nmò le ni, lel yóm tey keglayam yó kem tau hensidek le? Kihu gónów e temngel són yó kem deng gebà tonu ne són yó kem tau alì hemsidek dumu tau. Deng tódô slibut do yó kem tau tendo segled ne kem tau tendo sfatay.