Isaya 5:6 - Udél Dwata: Gna Kesfasad ne Lomi Kesfasad

⁶ Là bud hnayahu du ne yó kem huluhu yó. Là se bud hen-gifatu du ne là kô bud lenbudu du. Kihu ne ke tfeng kluon semnual tmowok lemen. Balù lobun, sana kdóku kul anì là kmulónen bè yó.”

Isaya 5:6 Referans Kwoze

Jirimaya 25:11

Yóm klamang yóm benwu yó gotu msulék gebà, laen dù bud menwu du. Yó kem tau Israél ne yó kem tau menwu hmilol kul, botong hitu folò halay le kegen le nô lem hólól yóm tau hol geta bè Babilun.

Deng Hegfan 11:6

Wen kwalis blay Dwata kul anì gbek le là hkulón du bè yóm tlu halay sóól kegen le tmugod ke Dwata. Ne gbek le se hembaling kul litô yó kem él tembul bè yó. Bud wen kwalis le mò kihu hlayam bè yó kem tau, balù hilu dulék le móyô mò du.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Amus 4:7

“Là kô hkulónu du bè yóm kdaw alì kwen muhen bè yó kem hulu ye ne gotu sidek yó kem hulu ye. Deng hkulónu bè yóm sotu syudad, okóm là hkulónu du bè yó kem dumu syudad. Kmulón ebè sotu tonok gónó mò hulu, fen là bè yó kem dumuhen, hlós tódô mékéng.

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Jirimaya 45:4

Okóm Baruk, ni se udél Dwata ebéléem, monen, Angat gotu genlau nim benwu deng tehe hdau ni. Gotu kendutu lu yó kem tau deng tehe huluhu.

Jirimaya 14:22

Laen kô dù bè yó kem dwata kéng ke gbeken hkulón. Balù longit, là kô gbeken du hkulón ete tonok. Són uu, Dwata, ken-gel nawa me yóm hol kum gónó mogot. Tek són uu gembek mò du ni kem hni me béléem ni. Nangat me yóm któbóngem kum.

Jirimaya 14:1

Ni se udél Dwata ebè Jirimaya gbak bè yóm tey kinì kdaw, monen,

Isaya 30:23

Duhen yó, ke wen hulu ye tódô hkulón Dwata etahen anì tey wen angat nuta ye. Ne yó kem ógóf ye tey wen gónó le mótób.

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

1 Bok Kem Tau Hol Geta 8:35

Ke là bud hkulónem du lan le gemsalà béléem yó kem tauhem, ne ke smolu le ebè yóm Gónóem ni na le e hegsel béléem, ne ke knogol le yó kem salà le lanem tmafak kul,

Job 31:40

hol hono kluon he ne kmungig tmowok ta yóm tonok yó mò tles yóm halay gel hulu tahen.” Yó se són yóm udél Job.

Isaya 7:19

Gotu le lememek lem yó kem sbong nelem ne bè yó kem kilib bè but yó kem léhék. Tódô tfeng le yó kem ngà koyu semnual dalang se yó kem bnes gónó ye gel hótób ógóf.

Isaya 32:10

Tey kegsengel nawa ye du yóm klowil ye yóm kmoen ni. Okóm halay hulin, laen dù bud nefet nawa ye abay se laen dù bud nuta ye.

Isaya 49:19

Balù yóm deng kegbaem, Jirusalim ne laen dù tauhem, okóm angat tódô seklot yó kem tau bud mulék ebéléem. Bong yó kem tau gembà kóm, angat gotu hdóhu lu mayuk.

Isaya 55:13

Bè yóm tehe gónón tmowok yó kem koyu lemnek semnual laen dù muhen, angat tles tmowok bè yó yóm siprus ne mirtal, hono kem koyu wen muhen. Ni se mò ilô yóm kfasangu ne laen kô dù sónen yóm ilô yó. Bud ni se mò gónó ye hemtulón nawa du yóm deng nmou. Ou se yóm Dwata hol gónó mogot.” Là gomongen bè nili yóm tsaptér 56. Yó monen bè bérs 1-2, “Hol hentedeng ye kmò ye ne béen abay wen mtukul knihu ye,” mon Dwata. “Hol nmò ye yóm tedeng ne yóm hyu, yakà móyóne kól mò lemwà kuy. Tey kehyuhen bélê le kul yó kem tau nô bè nawa le yóm kmò le du nim ni. Tey kehyuhen bélê le kul yó kem tau gel madat du yó kem Kdaw Kehegnô ne yóm là kmò le nmò bè yó kem kdaw yó. Ne tey kehyuhen bélê le kul yó kem tau là gel le mò sidek.” Ni kem kehyuhen ni, là són bè kem tau Israél du gónón e gdek, okóm gomong snéen yó kem tau gel mimón yó kem kun hlau Dwata. Yó mon Dwata bè bérs 8, “Yóm Dwata hol dandónen geta, yóm mit semfulék yó kem tau deng kenbê kem dumu tau, gomong nwitu snéen yó kem dumu tau, là són yó kem dou tau du.”

Juwél 1:7

Gotu hensidek le yó kem dou lefà grép ne yó kem dou koyu fig. Gotu nlé le kulit le efet tódô bukay yó kem hanga le.

Kem Udél Hlalak Tehe Selumun 24:31

ne tonu tódô tfeng sual ne kluon ne gotu hugón yóm labat botu hilolen.