Isaya 5:2 - Udél Dwata: Gna Kesfasad ne Lomi Kesfasad

² Hyu senbwólen yóm tonoken ne gotu kóhen yó kem botuhen. Ne wen tinu grép alì hyu huluhen bè yó. Ne wen se gónô geta hdaen bè yó mò gónó le nô yó kem tau mentey du. Ne eles wen sol nmoen bè botu mò gónón smóyów mdà yó kem bungu grépen. Ominen yó mangat yóm klélélen. Okóm bè yóm deng kutahen du mom hono msom.

Isaya 5:2 Referans Kwoze

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

1 Kurin 9:7

Tulón ye dou kun, deng wen sendalù mung bè gida kô ke tlek kun mebel mò gastuhen? Ne bè yóm tau gel mò hulu, là dog kenen du ne kô yóm gel nutahen? Dalang se yóm tau semgyok ógóf, là dog wen kem ofolen du ne kô yó kem ógóf sen-gyoken? Là kô yó du. Sal gel wen ofolen du yóm kun leniteg yóm tau.

Mark 11:13

Ne wen tonen sotu koyu gel ken bunguhen boluyen fig, deng bud lomi dmoun bede tolo mayuk udì bélê le. Omin Jisas mógów etu, nénégen ke wen bunguhen, okóm laen duen, hono doun, abay se là dengen kól bè yóm bulónen mungu.

Sulat Pol Ebè Yó Kem Tau Hemtahu Bè Rom 9:4

Lu se kem Ju deng néléken mò kem ngaen. Tehe tódô hegfan lem blóng le mlan bè yóm tey keDwatahen. Dê duléken mò fasad bélê le ne blayen bélê le yóm kun hlau hlanen bè Musis. Tey mtukul ktoloken du kul yóm kmò ktaba le ebéléen. Ne tey dê yóm fasaden kul.

Mark 12:2

Tikóng deng mungu yó kem huluhen yó, wen sotu tau dóken ebè tu kem tau fen tehe hogoten du anì hwit le ebéléen yóm kun bad.

Matyu 21:34

Tikóng deng kól bè kbunguhen yó kem huluhen yó, wen kem tau dóken ebè yó kem tau deng tehe hogoten du anì hwit le ebéléen yóm kun bad.

Matyu 21:19

Ne wen tonen sotu koyu mdà kilil lan boluyen fig. Omin Jisas mógów etu, nénégen ke wen bunguhen, okóm laen duen, tódô hono doun. Omin Jisas mudél ebè yóm koyu yó, monen, “Nbuten ni là kói na e bud mungu.” Tódô sen-gengen se mékéng yóm koyu yó.

Mika 4:8

Ne uu Jirusalim, yóm benwu gónó Dwata tendo mentey yó kem kun tau, angat bud mulék ebéléem yóm tehe któtólem ne yóm tehe kfasangem. Ne bud uu se hol yê yó kem syudadem ne béléem gónón nô yóm tau mogot yó kem dou tau.

Isaya 5:7

Yó kem tau Israél lómón ke tonok gónó Dwata mò hulu, yóm Dwata laen dù là gbeken du. Ne yó kem tau semfu gu bè tehe Juda lómón ke lu yóm grép huluhen. Yó hendónen bélê le ke hyu nmò le okóm là. Mom yó nmò le deng le mom monok. Hendónen bélê le ke tedeng yóm kwit le kukum okóm là. Deng mom yó gungolen taba yó kem tau là tedeng kwit le kul. Là gomongen bè nili yóm bérs 8 kól bè 30. Lem ni kem bérs ni yó tulón Isaya yóm khilu dulék Dwata mon du, “Là megewu nawan gemlà kul.” Deng gotu listahen salà yó kem tau. Bérs 8-10 Yóm udélen ebè yó kem tau tendo hlamang tonok anì laen dù gónó le nô kem dumu. Bérs 11-17 Udélen ebè yó kem tau alì móyô mken ne minum okóm balù udì ke hendem le yó kem nmò Dwata. Bérs 18-19 Udélen ebè yó kem gel mò kéng ne hemlò ke Dwata yóm gel mon du, “Géhél htonem kum kun ke wen gbekem. Móyô me mton du ke wen atulem.” Bérs 20 Udélen ebè yó kem tau mon du, “sidek yóm hyu ne hyu yóm sidek.” Bérs 21 Udélen ebè yó kem tau hemdem du, tey le temngón. Bérs 22-23 Udélen ebè yó kem tau gel ma mò wa nawa, fen hewà le yó kem tau wen salaen ne fen tnafak le yó kem tau laen dù salà le. Lemwót bè yóm kdê salà le ni, gotu htaba Dwata yó kem dumu benwu mò na a gembà yóm benwuhen ne yó kem tauhen.

Isaya 1:8

Tek són Jirusalim dù tebel yóm syudad deng tódô kem senibut le ne laen dù lan ye mofin du. Lómón tô yóm lowig gónó ye nô igò ye mentey yó kem hulu ye, laen kô dù bang kmò kofin ye du.

Kmukum 16:4

Kogolen bè yó, wen sotu libun Flistin bud niwol Samsun boluyen Dilayla, menwu bè Datal Surék.

Dwata 32:6

Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.

Lista 23:9

Lenwótu ta yó kem léhék geta, gotu tonu lu. Tenngelu lu lemwót gu ta yó kem ngà bulul. Lu se sotu but tau htólóng Dwata bè yó kem dumu tau. Tódô tngón le yóm deng kehetfing Dwata kul bè yó kem dumu tau.

Kehewà 33:16

Tô kmò ketngón kem tau du se yóm tey kehyu nawam ebè yó kem tauhem ne ebéléu ke là mungi kum? Lemwót bè yóm kmungem kum gónó me stólóng bè kdéen tau te tonok.”

Matyu 21:33

“Ni hnungol ye,” mon Jisas, “wen bud sotu hningónu bélê ye. Wen sotu tau lamang huluhen yóm sotu kay mungu boluyen grép, ne lenabaten gu hilolen. Ne ominen mò yóm angat gónó le kemmes élen, ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen, ominen lemwót milo ebè yóm sotu benwu.

Mark 12:1

Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.

2 Samwél 7:10

Ne deng wen benwu blayu kul yó kem tauhu Israél mò gónó le hlós nô. Lómón ke huluhu lu tahen anì wen mdengen kul benwu, ne laen kô dù bud hmala kul bè yó. Là bud hen-gnok le kul ne yó kem tau hono sidek nmò le lemwót bè dumu benwu, lómón yóm tehe deng gel nmò le bélê le,

Kem Lingón 80:8

Bè yóm tehe kwitem kum hewà gu bè Idyip, lómón ke wen hulu lemfà nitem gu ditu. Gotu hdóhem yó kem tólóng tau là hemtahu le béléem, ne huluhem bè tonok le yóm hulu lemfà yó koni.

Kem Lingón 80:9

Deng tehe eles hen-gifatem yóm gónóm angat mulu du. Tey nelem kdolilen yóm huluhem yó, ne tódô lenngeben klamangen tonok me lefaen.