Isaya 5:1 - Udél Dwata: Gna Kesfasad ne Lomi Kesfasad

¹ Hol hnungol ye dé, naw lemingón bélê ye. Yó utóm yóm lingónu, yóm sotu weu ne yóm huluhen. Wen gónón mò hulu yóm weu yó bè yóm sotu ngà bulul udì gónón alì hyu tonok.

Isaya 5:1 Referans Kwoze

Mark 12:1

Ne bud mudél Jisas ebè yó kem tau, bede bud hningónen, monen, “Wen sotu tau lamang grép huluhen ne lenabaten gu hilolen. Ne ominen mò yóm angat gónó le kemmes élen. Ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen yó, ominen lemwót milo ebè yóm sotu benwu.

Kun Snulat Luk 20:9

Ne bud mudél Jisas ebè yó kem tau, bede hningónen, monen, “Wen sotu tau lamang huluhen boluyen grép. Ne mdengen se kem tau hogoten du, ominen lemwót milo ebè dumu benwu, nan na legen yóm knóen ditu.

Kun Snulat Jan 15:1

Bud mon Jisas, “Lómón ke ou yóm hol tahu hulu, ne Mà yóm fen semgyok du.

Matyu 21:33

“Ni hnungol ye,” mon Jisas, “wen bud sotu hningónu bélê ye. Wen sotu tau lamang huluhen yóm sotu kay mungu boluyen grép, ne lenabaten gu hilolen. Ne ominen mò yóm angat gónó le kemmes élen, ne nmoen snéen yóm gónô geta mò gónó le gel nô yó kem tau mentey du. Ne mdengen se kem tau hogoten du yóm huluhen, ominen lemwót milo ebè yóm sotu benwu.

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Kem Lingón 80:8

Bè yóm tehe kwitem kum hewà gu bè Idyip, lómón ke wen hulu lemfà nitem gu ditu. Gotu hdóhem yó kem tólóng tau là hemtahu le béléem, ne huluhem bè tonok le yóm hulu lemfà yó koni.

Kem Lingón 45:1

Tey dê kem udél knóón sut lem hendemu yóm igou lemingón du nim lingón ni ebè yóm tau hol geta bélê me. Yóm udél btang bè sumóngu, hol lómón yóm udél gel snulat yóm tau alì hulung smulat.

Kem Lingón 101:1

Ó Dwata, sngalu yóm kbong nawahem tau ne yóm ktedeng kkukumem. Dóyónu u mlan bè yó kem sngal.

Kem Lingón 60:5

Hol lenwaem mi mlan bè yóm sigel kwananem, ne lenwaem yó kem kóm tau kenbong nawa.

Dwata 8:7

Yóm sana kuy Dwata hol gónó mogot, du se mit kuy ebè yóm tey tonok hyu ne wen kem él mlel lemen ne wen kem sfuten ne wen tbul él mlel ebè yó kem datalen ne ebè yó kem bulul lemneken.

Dwata 8:10

Laen kô dù gónó ye élél bè ken ye ne angat dóyón ye Dwata yóm sana kuy Dwata hol gónó mogot, bè yóm tey tonok wen tebasen deng blayen kuy.