Isaya 49:9 - Udél Dwata: Gna Kesfasad ne Lomi Kesfasad

⁹ Yó udélu ebè yó kem tau geblanggù, monu mò kul, ‘Hewà ye ne.’ Ne yó kem tau nô bè gónón kmifu, yó bud monu mò kul, ‘Hewà ye ebè layag ne.’ Kehlingónu kul bè yóm deng kegewà le, lómón ke ubiha mótób bè talak bilil.

Isaya 49:9 Referans Kwoze

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Isaya 42:7

Angat htonem yó kem butô ne angat hewaem yó kem tau geblanggù lem yóm gónón kmifu.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 41:18

Yó angat nmou, angat wen tey él hlelu lemwót gu lem tu kem bulul tehe wen él le. Ne angat wen se kem él hetbulu gu lem sbongen. Ne yóm benwu tehe là hyu menwu du, angat wen busung él nmou bè yó. Ne yóm tonok mékéng tehe laen dù élen, angat wen sfut élen.

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Kem Lingón 102:20

nan e hnungol dolong yó kem tau blanggù, nan e lenwà yó kem tau deng kukum le kul hatay.

Kem Lingón 69:33

Yóm Dwata, gel hnungolen yó kem tau élél gel htóbóng béléen, ne là kô klifóten kul yó kem kun tau deng geblanggù.

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kun Snulat Jan 10:9

Ou se yóm henged bak tikeb,” mon Jisas. “Yó se mlan bè yóm bak tikeb yó, angat gewà gu lem hatay. Hol lómón ke du yóm ubiha gel hewà na a mótób ne bud gel husek elem kukuben.

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Juwél 3:18

Bè yóm kdaw yó, tódô hono lefà grép bè yó kem bulul lembang ne bè yó kem bulul lemnek, tódô hono safì mótób bè yó. Angat bud wen él mlel bè yó kem sbong deng kti bè Juda. Ne angat wen él tembul gu lem yóm kun Gónô Dwata, gotu hnéféen yóm Datal Koyu Akasya yóm datal mékéng tonoken.

Isikél 34:29

Yóm tonok le angat tey tótól bè yóm alì ketbasen, anì yó là bud le bitil yó kem dou tau ne là bud le myak bè yó kem tólóng benwu kemhisik kul.

Isikél 34:23

Angat wen sotu tau hesegyoku kul, yóm tau semfu gu bè Dabid yóm tóbóng lówóhu. Du se mò hótób kul ne semgyok kul.

Kem Lingón 146:7

Gel nfihen yó kem tau hen-gnok, ne gel benlayen ken yó kem bitil. Gel hefewaen yó kem tau blanggù,

Kem Lingón 22:26

Bè yóm kdaw yó, tey kehdengen le mken yó kem tau élél. Ne tey kdóyón le ke Dwata yó kem tau hloni ebéléen. Hol laen kô dù tul sónen yóm kehyu Dwata klowil le.

Dwata 32:13

Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Mika 5:4

Bè yóm angat ksut yóm tau mogot benwu yó, tódô mdà lem blóng le, gotu nalaken yó kem kun tau mlan bè yóm kgis lemwót bè Dwata ne mung du yóm tey kegeta boluy yóm kun Dwata yó. Ominen yó kem tau nalaken, balù udì ke wen hemen le abay se tódô lenngeben klamang benwu yóm tey kegetahen.