Isaya 49:4 - Udél Dwata: Gna Kesfasad ne Lomi Kesfasad

⁴ Okóm dou, botong monu, “Tey kmou du yóm hmò Dwata do, okóm laen dù gónón e kól. Tódô hotuhu gelu, okóm laen dù gendengu.” Bede tey ksaligu yóm kfi Dwata yóm deng hmoen do. Angat wen ofol blayen dou bè yó kem gel nmou.

Isaya 49:4 Referans Kwoze

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Glasya 4:11

Tey mónó nawahu kuy, kô mulék kafa yóm deng tehe toloku kuy.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

2 Kurin 2:15

Hol lómón ke tekuy se yóm boo alì minggel deng hbel Krays ebè Dwata. Mbel ebè yó kem tau deng gewà gu lem hatay, ne bud mbel ebè yó kem tau tolo golu elem hatay.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Isikél 3:19

Okóm ke eles hetgamahem du yóm tau mò sidek ne là dog tenfloken du yóm kmoen sidek ne là dogen móyô hegsel, angat matay yóm tau yó igoen tolo wen salà nô tahen. Okóm là kô ntuku du béléem yóm katayen, abay se deng nmoem yóm hmou kóm.

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Isaya 40:10

Móyónen kól ne yóm Dwata hol dandónen geta gónó tekuy mogot ne ya tey kfasangen bè yóm kogoten. Angat gotu nwiten yó kem tau deng lenwaen.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Sulat Pol Ebè Yó Kem Tau Hemtahu Bè Rom 10:21

Okóm tólóng yóm mon Dwata gbak ebè yó kem tau Israél, yó monen, “Tey mgel kulu le, là dog le mimón. Tódô sónmou tendo hemkól kul, okóm là kô kenmón le do.”

Kun Snulat Jan 1:11

Deng tódô kól bè yóm hol kun benwu, okóm mom là dog henmóyô le du yó kem kun tau.

Kun Snulat Luk 24:26

Deng tehe eles tulón le yóm nan na keglayam yóm Misaya, omin Dwata yó he hegeta du.

Isaya 65:2

Nbuten bè kbuten, denge gel eles htifes hemmóyô yó kem dou tau, okóm tey mgel kulu le, són nmò le yóm là tedengen, són lolò le yóm kul knóyô.

Flipay 2:16

abay se yu fen gel hetngón du kul yóm udél hlowil kul. Ke ni se nmò ye, tey bong kehyu nawahu bè yóm kdaw angat kkól Krays, abay se gfan bè yóm kdaw yó yóm là kkafahen yóm tehe tey lenitegu lem blóng ye.

Kem Udél Hlalak Tehe Selumun 29:26

Tey dê tau hemdeen yóm tey kehyu nawan ebélê le yóm tau mogot benwu, okóm tek són Dwata gónó tau gmuta yóm ktedengen.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Isaya 40:27

Duhen yó kem tau Israél, moen de ke alì ye tmalaw? Moen de ke gel mon ye là kô bud snolò Dwata kuy ke wen gónó ye glayam ne là kenmónen kuy ke sidek kwit le kuy yó kem tau mogot kukum?

Isaya 57:21

Laen kô dù gónón menek bélê le kul yó kem tau gemsalà,” mon Dwata.

Isaya 59:18

Bè yóm kbelesen kul, tódô tnafaken yó kem hohonen lemwót bè yó kem sidek tehe gel nmò le. Baluen he ke nô le bè benwu mayuk, sana ktafaken kul.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”