Isaya 49:16 - Udél Dwata: Gna Kesfasad ne Lomi Kesfasad

¹⁶ Ó Jirusalim, là kô naw e gbek klifót kóm. Deng eles snulatu lem hólólu ne yóm kóm boluy.

Isaya 49:16 Referans Kwoze

Hagay 2:23

Bè yóm kdaw yó, angat néléku uu, Sirubabél yóm tau tóbóng lówóhu, mò mogot yó kem dou tau ne hlanem bè dou boluy yóm kogotem kul. Uu se yóm hol dou nélék.” Dwata se mon du nim ni yóm Dwata laen dù là gbeken du, yóm Dwata hol gónó mogot.

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 54:12

Yó angat suu du yó kem gónô geta gónó le gel mentey, duhen yó kem botu sminang molung hulô boluyen rubi. Yó kem tikebem, angat suu du yó kem botu sminang hol lómón dilóf ofi. Yóm beng hilolem, hono yóm botu alì tilob mebtes suu du.

Jirimaya 22:24

Yó udél Dwata eta Jihuyakin yóm ngà Jihuyakim yóm tau hol geta bè Juda, monen, “Ni se udél yóm Dwata là matayen. Baluen he ke uu yóm tising blówón nô bè tdok kwananu, botong kóhu uu.Blayu uu elem hólól yó kem tau malu hmatay kóm, yó kem tau alì knikoem. Blayu uu elem hólól Nibukadnisar yóm tau hol geta bè Babilun ne ebè yó kem sendaluen alì mfasang.