Isaya 49:12 - Udél Dwata: Gna Kesfasad ne Lomi Kesfasad

¹² Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

Isaya 49:12 Referans Kwoze

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Deng Hegfan 7:9

Kogolen bè yó, bud nkayu ketngelu, ne tódô tonu se yóm tey genged tau. Ya tey kwen le, laen kô gembek msó kul. Lemwót le gu bè klamangen benwu, bè ket but tau, ne bè ket ból tau, ne bè ket udél tau. Gotu le mdà bè solu yóm gónón myón yóm fen kmamal lewu le yóm Ngà Ubiha. Gotu le mnes bukay, ne sket kul mogot doun koyu.

Kun Snulat Luk 13:29

Angat tey dê tau là Ju le, lemwót fi gu dmata kdaw ne fi gu desdef ne fi gu leged ne fi gu debwak. Angat le gotu seyón mken bè yóm kun benwu nogot Dwata. Tódô kentihen benwu talak tonok angat gónó le gu lemwót yó kem tau angat mung bè yó.

Matyu 8:11

Ni tódô tulónu kuy. Bè yóm mò ken bong angat nmò Dwata bè longit bè yó kem tau nogoten, angat tey dê tau là Ju le lemwót fi gu dmata kdaw ne fi gu desdef, angat le gotu na a seyón mken bè tu kem tehe fù me Abraham ne Isak ne Jakub.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Mika 4:2

Tey dê but tau angat mógów ebè yó, yó udél le, “Lemwót tekuy ne mneged eta yóm bulul Dwata, mógów tekuy etu bè Gónô yóm Dwata yó kem tau Israél. Bè yó gónón tmolok du tekuy yóm kun kóyô anì lolò tekuy yóm kun lan.” Abay se bè yó kem kdaw yó, lemwót bè Jirusalim yóm kun tolok Dwata ne yóm kun udél.

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

Kem Lingón 22:27

Angat gtulón nawa le Dwata yóm kdéen tau bè klamangen benwu. Gotu le semfulék ebéléen yó kem tau lemwót bè ket benwu talak tonok, Kdéen kay but tau talak tonok, gotu le tmaba ebéléen.

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Isaya 49:1

Yu kem tau nô bè benwu mayuk, ni hol hnungol ye ou. Deng eles nélék Dwata ou gu laanu là deng sut. Yó hmoen dou mò tóbóng lówóhen.

Isaya 49:18

Ngem, nénégem dé yóm gu hmilolem, deng nbut le gotu stifun yó kem tauhem, gotu le bud mulék ebéléem. Ou se yóm Dwata là matayen, hol tahu yóm tulónu kóm ni. Tey kehyu nawahem bè yó kem tauhem bud mulék ebéléem, hol lómón yóm kehyu nawa yóm libun myehen bè yóm kimuhen mebtes.

Isaya 55:5

Ne ni, bud yu angat tminok yó kem tólóng tau bè dumu benwu. Tehe là tngón le kuy, okóm ni ne tódô le kendel sut bélê ye anì gomong le bélê ye. Ou se yóm Dwata gónó ye mogot yu kem tau Israél yóm Dwata laen kô dù belenen. Angat gotu hdohou ni kem ni. Angat tey kadat le kuy yóm kdéen tau ne angat hegetahu yu.”

Isaya 59:19

Lemwót bè yó kem benwu fi dmata kdaw kól bè yó kem benwu fi desdef, gotu le likò du. Knikò le yóm alì kfasangen. Yó kmoen kul bè yóm kógówen elem blóng le, hol lómón ke dunuk yóm tey él bong, duhen ke mbel yóm hol yéen lenos bong.

Isaya 60:4

Ó Jirusalim, temngeli gu hilol dé anì tonem yóm kul nmò yó kem tauhem. Gotu le stifun anì bud le mulék ebéléem. Yó kem ngaem logi, angat le mulék ebéléem lemwót gu bè yó kem tey benwu mayuk. Ne yó kem ngaem libun, lómón ke ngà lemnek kwit le kul bè yóm kulék le.

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

Sikaraya 6:15

Bè yóm angat kehdà le yóm Gónô Dwata, tey dê tau lemwót bè benwu mayuk semtóbóng hemdà du. Ke deng dohò yóm ni, bè ni gónó ye temngón du yóm Dwata laen dù là gbeken du yóm hógów do ebélê ye. Ke hteneb ye mimón du yó kem hloloen kuy yóm sana kuy Dwata hol gónó mogot, angat gotu dohò ni kem ni.’ ”