Isaya 49:11 - Udél Dwata: Gna Kesfasad ne Lomi Kesfasad

¹¹ Angat wen tey lan lamang nmou hulé bulul eles hentifesu yóm mò lan yó kem dou tau.

Isaya 49:11 Referans Kwoze

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Isaya 57:14

Yó udél Dwata, monen, “Hulék ye lu ebéléu yó kem dou tau. Kó ye bélê le yó kem gel hemseng kul bè lan le. Mò ye bélê le lan mò lolò le.

Isaya 43:19

Ni wen lomi lan nmou, hol nangat ye. Deng nbutu se mò du, là ton ye du kô? Wen lan angat nmou bè yóm benwu là hyu menwu du ne wen kem él hlelu gu lemen.

Kem Lingón 107:7

Nalaken lu ebè yóm lan tedeng bè yóm benwu knóón mò gónó le menwu.

Kem Lingón 107:4

Wen se bélê le tehe tabag lem yóm benwu laen hol wen tauhen, yóm benwu laen dù lan gu lemen. Là bud ton le du lan le ebè yóm benwu gónô le e tô menwu.

Isaya 19:23

Bè yóm kdaw yó, wen tey lan lamang nmò le lemwót gu bè benwu Idyip kól bè benwu Asirya. Yó kem tau bè yóm lewu benwu tehe sfohon yó, tódô le mógów seswì bè yóm lan yó. Ne slomong le se tmaba ebè Dwata.

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.