Isaya 49:10 - Udél Dwata: Gna Kesfasad ne Lomi Kesfasad

¹⁰ Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Isaya 49:10 Referans Kwoze

Matyu 5:6

Tey kehyuhen bélê le kul yó kem tau ke hol nô bè nawa le mò du yóm kun kóyô Dwata, abay se Dwata angat hol hegsengel nawa le.

Isikél 34:23

Angat wen sotu tau hesegyoku kul, yóm tau semfu gu bè Dabid yóm tóbóng lówóhu. Du se mò hótób kul ne semgyok kul.

Isaya 33:16

Ke ni se gel nmò ye, laen kô dù hemen ye. Hol lómón ke nô ye lem yóm gónó heklung mbegel. Laen dù gónó ye élél bè ken ne bè ninum ye.

Jirimaya 31:9

Botong le gotu mkik lemwót bè kligal le. Ne tey tilob kesgifau kul bè yóm bud kwitu kul semfulék. Nalaku lu hilol yóm él mlel bè yóm lan hyu gónó le là tlokob. Yakà ou du se mà yó kem tau Israél ne Ifraim se yóm hol ngau twogu.

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

Isaya 35:7

Angat baling lanaw yóm helek tehe alì sidek kkinien. Ne yóm benwu tehe alì mékéng tonoken, angat dê tbul élen. Bè yóm tehe gónón mékéng gónó le nô yó kem ógóf mayal, tódô angat wen sed tmowok bè yó, dalang se yó kem dumu hulu gel tmowok lem hitok.

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Isaya 25:4

Yó kem tau élél ne yó kem tau laen dù genbeken deng le gotu mlo ebéléem ne laen kô hemen le bè yóm gel kesbeweg benwu le. Uu se gónó le heklung bè yóm lenos bong ne bud uu se gónó le e hgolung bè yóm tey sidek ékét kdaw. Yó kem tau alì hemsidek kum hol lómón ke lu yóm lenos bong

Isaya 54:10

Anien ke gotu stunal yó kem bulul, okóm yóm kbong nawahu kuy, laen kô dù sónen. Ne laen dù sónen snéen yóm kenek nawa ye, yó se yóm fasadu kuy.” Ni se udél Dwata, yóm alì kembong nawa kuy.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Kun Snulat Jan 6:35

Ne bud mon Jisas mò kul, bede hningónen, “Ou se yóm ken hlowil tau. Yó se tau mógów ebéléu, laen kô dù tul kbitilen. Yó se tau hemtahu béléu, laen se kô dù tul kleengen.

Isaya 35:6

Yó kem hikot, angat le bud gehkak ne madal. Ne yó kem umew angat le gudél, tey kehligal le botong le gehsag. Ne yóm benwu tehe laen dù élen, angat wen kem él mlel du.

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Isaya 43:19

Ni wen lomi lan nmou, hol nangat ye. Deng nbutu se mò du, là ton ye du kô? Wen lan angat nmou bè yóm benwu là hyu menwu du ne wen kem él hlelu gu lemen.

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Isaya 52:12

Okóm yóm kewót ye yó, là kô ye meslò abay se laen dù henlóy ye. Eles tukô gna kuy yóm Dwata gónó ye mogot ne du se tendo mofin kuy.

Isaya 54:8

Tehe knogolu yu lemwót bè yóm kebutu kuy, okóm olon likót. Okóm ni, htonu kuy yóm klaen dù sónen yóm kbong nawahu kuy.” Yó se udél yóm Dwata lemwà kuy.

Isaya 58:11

Ne tendo gel sen-galaku yu ne hegsengelu nawa ye bè yó kem hyu blayu kuy. Tendo gel hekgisu lówó ye ne hlayuku bélê ye yó kem des. Lómón ke yu yóm gónó mò hulu eles tendo héfê tonoken ne lómón ke yu yóm tbul él là ktihen.

Juna 4:8

Timbow deng malù tahà kdaw, hyuf Dwata gu fi dmata kdaw yóm tey lenos kinì eta Juna, botong kfuteng bà mon tey ékét kdaw mnóng etahen. Hol kóyô Juna ke matay. Yó monen, “Mom hyu nawaw tódô kem matay ne.”