Isaya 48:18 - Udél Dwata: Gna Kesfasad ne Lomi Kesfasad

¹⁸ Ke deng tehe hnungol ye yó kem hlauhu kuy, sana klelen he yóm kenek nawa ye lómón lel él. Ne sana kehlósu hegmò kuy bè yó kem hohon ye, lómón keseflósen gedkol ebè kilil yóm lewók mohin.

Isaya 48:18 Referans Kwoze

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Kem Lingón 119:165

Yó kem tau bong óyô le mimón yó kem hlauhem, tey wen kenek nawa le, laen kô dù gembek hetlokob kul.

Dwata 32:29

Ke hulung le hedem, deng sana dilô le ne buten yó kem gel gfà le. Ne eles tngón le ne gónón e kól yóm sidek gel nmò le.

Isaya 45:8

Angat hewótu bè longit yóm kegmoem, hol lómón ke kulón lemwót bè longit gdek ete tonok ne là se kô gekbê tonok du, ngangen ne tmowok huluhen. Yó huluhen, duhen yóm tilob kwitem yó kem tau ne yóm ktedeng kogotem kukum lem blóng le. Ou se Dwata angat dmohò du ni kem ni.”

Kem Lingón 36:8

Tendo henkenem lu lemwót bè yóm tey ken deng eles nô bè gónóem. Ne gel hinumem kul yó kem kóm él mlel alì hyu bélê le.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Amus 5:24

Okóm yó hol nóyóu bélê ye ke henlel ye mit du yóm kukum tedeng. Kehlingónu du yóm kehyuhen yóm kukum tedeng nwit ye yó, hol lómón yóm él tódô senflósen mlel.

Matyu 23:37

“Yu kem tau menwu bè syudad Jirusalim, sal gel hnatay ye yó kem tau tugod Dwata, ne hnatay sentudà ye botu yó kem tau hógów Dwata ebélê ye. Deng hilu duléku ne tô móyô sembung kuy, lómó tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Isaya 33:21

Bè yóm kdaw yó, hegfan Dwata bélê tekuy yóm tey kegetahen. Ne nô tekuy bè kilil yóm tey él lamang ne laen dù kafal yó kem hohon tekuy bud gemlan bè yó.

Isaya 42:24

Tngón ye kô, tau du bemlay tekuy kem tau Israél elem tdok yó kem tau megef tekuy? Dwata se mò du yóm yó lan tekuy là mimón du. Là lolò tekuy du yóm kóyóen bélê tekuy ne là nimón tekuy du yóm toloken.

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 61:11

Sok deng huluhem yóm lem hulu, hol dohò tmowok se yó. Senged snéen yóm nmò Dwata, yóm Dwata hol dandónen geta gónó tekuy mogot. Angat dohò kehewaen kul yó kem tauhen ne gotu dóyón le Dwata yóm kdéen tau bè klamangen benwu. Là gomongen bè nili yóm tsaptér 62. Yó tulónen yóm kni Isaya bè Dwata gbak bè yóm syudad Jirusalim, yóm deng gotu kegbaen ne ktagak le du. Yó gel boluy le du yó kem dumu, Syudad Deng Tnagak Dwata, duhen ke Tonok Là Hyu Menwu Du. Okóm eles ton Isaya yóm mò kmoen bè hulin kdaw, ne tonen yóm kmò kehgulék Dwata yóm syudad Jirusalim ne yóm bud kehefdaen du. Mon Isaya bè bérs 7, “Hol ye gel mni bè Dwata efet henbalingen Jirusalim hol tótól bè klamangen benwu.” Bè yóm kdaw yó gotu bud sentifun Dwata yó kem kun tau, yó kem deng gotu sekla ebè klamangen benwu. Gotu nwiten lu mulék ne eles wen kem ofol mò blayen kul.