Isaya 46:1 - Udél Dwata: Gna Kesfasad ne Lomi Kesfasad

¹ “Ni se hol són yó kem dwata kéng bè Babilun. Yó boluy le Bél ne Nibu tehe gónó le gel e tmaba. Okóm ni, gotu bud lulón le lu bè yó kem kudà le. Olo le alì hliteg yó kem kudà igò le tey blat.

Isaya 46:1 Referans Kwoze

Jirimaya 10:5

Yó kem dwata le yó, lómón ke ongot bè gónó mulu timun. Là kô le mudél ne là se kô le mógów, sal gel sniwi le lu. Bê ye abay hlikò bè yó kem kul dwata yó, là kô gbek le hemsidek kuy ne là se kô gbek le tmóbóng kuy.”

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

1 Samwél 5:3

Hol hlafus hayahen bè yó, tikóng le btik yó kem tau bè Asdod tódô ton le Dagun deng tódô lemokob bè tonok bè solu yóm Slungan Dwata. Omin le bud hdà du bè sana gónón mdà.

Kehewà 12:12

Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.

Matyu 23:4

Ya tey sidek keblaten yó kem hlau gel hbô le kem tau, okóm kul, balù gdù, là kô le tmóbóng mit du yóm blat gel hbô le kuy yó.

Isaya 30:6

Ni se udél Dwata gbak ebè yó kem ógóf lóbô lem bnes bè yóm benwu fi leged là hyu menwu du, monen, “Yó kem tau hógów le mò na a mni tóbóng yó, mlan le bè yóm benwu gónó le nô yó kem ógóf lóbô, yóm gónó le nô yó kem liyun ne yó kem ulal malas ne yó kem swaga móyóng. Gotu lenulón le yó kem tey mebtes yó kem kudà ne yó kem kamél le, mò blay le bè Idyip yóm benwu là gbeken du tmóbóng kul.

Isaya 45:20

Mon Dwata, “Gotu ye stifun dé, kdéen tau bè klamangen benwu, yó kem dù tau mowil bè yóm kegbà Babilun. Géhél ye edini nahu knukum yu. Yó kem tau mógów stodol, kem tau eles gel tayal le eta yó kem dwata koyu le, lel le gel tmaba ebè yó kem dwata là gbeken lemwà kul, laen kô dù tngón le yó kem tau mò du yóm yó.

Isaya 46:7

Omin le mkay du ne tnihang le mulék. Wen gónó le hemsù du mò gónón mdà. Là kô gbeken kemdol bè yóm gónón nô yóm dwata le yó. Ke wen tau mni ebéléen, là kô gbeken malà du ne là se gbeken lemwà du ke wen gfaen.

Danyél 3:14

yó udél Nibukadnisar ebélê le, monen, “Tahu kô, Sadrak ne Misak ne Abidnigu, là kô hentahu ye du kun yóm dou dwata ne là kô ye tmaba ebè yóm lennged blówón deng hdau?

Nahum 1:14

Yó bud udél yóm sana Dwata hol gónó mogot ebè yó kem tau Asirya nô bè Ninibi, monen, “Laen dù bud ngà ye ne mò bud mit yóm kuy boluy. Angat gotu genbau yó kem dwata kéng nô lem yóm gónô gónó ye gel tmaba ebélê le. Deng eles hokolu sol ye abay se hono sidek yóm gel nmò ye ne là kô hyu hlowil kuy.”

Job 39:11

Balù bè yóm tey kekgisen, gbekem smalig du kô anì nmoen béléem yóm tey nmò blat?