Isaya 45:9 - Udél Dwata: Gna Kesfasad ne Lomi Kesfasad

⁹ Henkna ye bè yóm tau mifil kuleng tonok, gbek yóm kuleng kô semgil yóm tau mifil du? Laen kô dù gónón stólóng bè yó kem dumu kuleng. Gbek yóm kuleng tonok kô smólók yóm tau mifil du ke tedu nmoen? Duhen ke gbek yóm kuleng kô semlón yóm là khulung yóm tau mifil du?

Isaya 45:9 Referans Kwoze

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Jirimaya 18:6

“Ó kem tau Israél yóm nmou bélê ye ni, hol mkél bè yóm nmò yóm tau yóó bè yóm tonok nifilen. Deng ye nô lem hólólu lómón yóm tonok nô lem hólól yóm tau mifil kuleng yóó.

Isaya 10:15

Okóm yó bud udél Dwata, monen, “Gbek yóm beyung kô hegeta bè yóm tau mogot du? Ne yóm legadì, bong muhen kô kun senta yóm tau lemgadì? Ne yóm bogul, gbeken kô kmayang yóm tau mogot du? Là kô yó du. Kaem tau dé kmayang yóm bogul.”

Kem Udél Hlalak Tehe Selumun 21:30

Là kóen lemyu senta Dwata yóm khulung tau hedem duhen yóm khulungen temnef ne khulungen hmau.

1 Kurin 10:22

Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

Job 33:13

Ne tahu se yó. Okóm moen de ke dnuónem Dwata bè yóm là kbalaen yóm gel tnalaw tau?

Job 40:2

“Bud natuem o he kô, Job, igoen ou se yóm Dwata laen dù là gbeken du? Tey dê udélem etahu, hyu se ke bnalaem yóm sólóku kóm?”

Isaya 45:10

Sotuhen, wen kô ngà gembek mon du bè kem tuhahen, “Moen de ke lómón ni kmò ye do?”

Jirimaya 36:29

Tikóng deng ksulatem du tulónem yóm tau hol geta, monem, ‘Ni se udélen ebéléem yóm sana Dwata hol gónó mogot, monen, Yó gónóm mtem du yóm sulat lenulun, abay se tulónen lemen yóm angat kegbà yóm tau hol geta bè Babilun du nim benwu ni ne yóm kdê nô lemen.

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.