Isaya 45:5 - Udél Dwata: Gna Kesfasad ne Lomi Kesfasad

⁵ Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Isaya 45:5 Referans Kwoze

Isaya 46:9

Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Juwél 2:27

Bè yó ne gónó ye angat temngón du yóm tendo knóu bélê ye kem dou tau Israél, tek són ou yóm sana kuy Dwata hol gónó mogot. Laen dù bud gónó le myak ne yó kem dou tau elem hulin kdaw lómón yóm gfà le ni.”

1 Bok Kem Tau Hol Geta 8:60

anì yó, tódô kdéen tau bè klamangen benwu, gotu temngón du Dwata se yóm hol gónó mogot, laen kô dù dumu Dwata, tek sónen du.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Kem Lingón 18:39

Deng hekgisem ou bè gida, Dwata. Lemwót béléem gónó le là gemmò béléu yó kem hohonu.

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.

Kem Lingón 18:32

Du se yóm Dwata tendo hekgis dou, ne tendo mentey dou bè lanu anì laen dù hemenu.

Kun Snulat Jan 1:1

Gu laanen là deng wen benwu he, deng sana kem yó ne yóm Udél. Ne yóm Udél yó nô bè Dwata, ne du se yóm Dwata.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Kehewà 9:14

Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.

Kem Lingón 18:31

Laen kô dù dumu Dwata, són yóm Dwata hol gónó mogot. Laen dù dumu botu gónó heklung, són yóm kut Dwata.

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

Isaya 45:1

Deng nélék Dwata Sirus mò tau hol geta. Deng néléken mò gemwa yó kem dumu benwu mlan bè kgidahen kul. Hógówen mò mdà kul elaan yó kem tau hol geta bè yó kem benwu yó. Angat gotu lenkà Dwata béléen yó kem bak tikeb yóm beng hmilol syudad le. Yó udél Dwata ebè Sirus, monen,

Isaya 45:6

Yó gónóhu mò du yóm ni anì yó, kdéen tau bè klamang benwu angat temngón du ou yóm hol gónó mogot. Laen kô dù dumu Dwata, són o.

Kem Lingón 18:33

Tey kehekgisen yó kem tihu lómón kgis ti uhu, ne yó gónóhu gembek mlan ta yó kem tfusù bulul.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”