Isaya 45:3 - Udél Dwata: Gna Kesfasad ne Lomi Kesfasad

³ Ne blayu kóm yóm kimu labi bnos le bè gónón kmifu. Bè yóm nmou béléem yó gónóm temngón du ou se Dwata yóm hol gónó mogot. Ou se yóm kul Dwata yó kem tau Israél, yóm deng tódô tmaba kóm bè boluyem.

Isaya 45:3 Referans Kwoze

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Kehewà 33:12

Bè yóm ktulón Dwata ke Musis yóm là bud kmungen kul, yó mon Musis mò ke Dwata, “Tahu se yóm tehe kdókem dou anì nitu lu ebè yóm benwu fasadem kul ni kem tau ni, okóm là tulónem du dou ke tau du mung dou. Deng monem tey tilob ketngónem do ne tey kehyu nawahem ebéléu.

Kehewà 33:17

Mon Dwata mò ke Musis, “Lemwót bè yóm tey tilob ketngónu kóm ne kehyu nawahu ebéléem, nmou yóm hnihem béléu yó.”

Isaya 49:1

Yu kem tau nô bè benwu mayuk, ni hol hnungol ye ou. Deng eles nélék Dwata ou gu laanu là deng sut. Yó hmoen dou mò tóbóng lówóhen.

Jirimaya 41:8

Okóm yóm sfolò kem là matayen hkodu le bè Ismaél, mon le mò du, “Hol béem hnatay mi. Wen halay blay me kóm ne wen hnolohen ne wen tneb deng eles ten-ginof me. Sulék blay me kóm.” Tahu se, là hnatayen kul.

2 Tutul Israél 6:17

Ne ni, Dwata yóm kum Dwata yó kem tau Israél, hol dnohoem yóm tehe fasadem ke mà yó yóm tau tóbóng lówóhem.