Isaya 45:2 - Udél Dwata: Gna Kesfasad ne Lomi Kesfasad

² “Ou he tukô gna kóm. Tódô sentunalu béléem yó kem bulul geta kkólen bè yó kem bulul lemnek. Ne angat genbau béléem yó kem tikeb tembaga le ne tenfoku yó kem bala tók tgel le.

Isaya 45:2 Referans Kwoze

Isaya 40:4

Eles henok nlem ye yó kem sbong ne sentunal ye yó kem bulul. Ne sendatal ye yó kem buntud ne yó kem gónón sebsuk, efet tódô mló.

Kun Snulat Luk 3:5

Sendatal ye tu kem gónón lebsong, ne sentunal ye tu kem bululen. Hentedeng ye tu kem gónón kigù, ne sentódô ye tu kem gónón sebesuk.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Kem Lingón 107:16

Gotu genbaen bélê le yó kem tey bak tikeb blanggù hen-get bala tók ne gotu tenfoken yó kem bala tók bè yóm blanggù yó.

Kul Nmò 1:15

Bud sotu kdaw bè yó, gotu le stifun yó kem tau hemtahu, wen dô lematu bud lewu folò kwen le.

Isaya 45:13

Bud ou se gónón lemwót yó kem angat nmò Sirus anì dohò yó kem atulu hlanu bè ktedengen. Ne angat hentedengu he yó kem ket lan loloen. Mlan béléen yóm bud klomi kdà yóm syudad Jirusalim. Bud mlan béléen snéen yóm bud kegewà yó kem dou tau tehe negef le. Yóm angat nmò Sirus yó, là mlanen bè ksukéy tau du duhen ke wen filak bong blay le du.” Ni se udél yóm Dwata laen dù là gbeken du.

Danyél 5:28

Parsin, yó lanen nólól. Deng nólól Dwata ne yóm kóm benwu nogot, hogoten yó kem tau Mid ne yó kem tau Pérsya.”

Nahum 3:13

Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.

Danyél 8:4

Yóm ubiha tonu yó, kihu glebeten gotu snukóten. Tódô lemwót mlóy smoduk nan e mundug etu fi desdef, ominen bud smoduk nan e mundug etu mool, ominen bud smoduk nan e mundug e subô. Yó kem nundugen yó, là kô le gemmò béléen ne là kô wen tô mlos tmóbóng kul yó kem hensideken. Tódô beyen mò du yóm kun knóyô, mom temnù kfasangen.