Isaya 45:1 - Udél Dwata: Gna Kesfasad ne Lomi Kesfasad

¹ Deng nélék Dwata Sirus mò tau hol geta. Deng néléken mò gemwa yó kem dumu benwu mlan bè kgidahen kul. Hógówen mò mdà kul elaan yó kem tau hol geta bè yó kem benwu yó. Angat gotu lenkà Dwata béléen yó kem bak tikeb yóm beng hmilol syudad le. Yó udél Dwata ebè Sirus, monen,

Isaya 45:1 Referans Kwoze

Isaya 44:28

Ne ni, wen udélu ebè yóm sotu tau boluyen Sirus, monu mò du, ‘Angat wen tey hogotu kóm ne angat gotu nmoem yóm dou kóyô. Angat uu bud hefdà du yóm Jirusalim ne bud uu mbut hefdà du yóm Gónóu bè yó.’ ”

Isaya 42:6

“Ou se tmaba kóm, yóm Dwata gónóhem mogot. Deng benlayu u kfasang mogot kukum anì hentedengem yó kem kukum te tonok. Hlanu béléem yóm fasadu ebè kdéen tau. Bud hlanu béléem snéen yóm layag mò hton yóm kdéen tau te tonok.

Kem Lingón 73:23

Balù yóm tey tehe ksidek kegnómu du yó, mom henlelu hloni ebéléem. Ne tódô senflósem se mogot dou, lómón ke eles nogotem ou bè sigelu.

Isaya 41:13

Ou se Dwata yóm kuy gónó mogot. Tendo gel ten-gelu yu. Ni hol udélu ebélê ye, ‘Hol bê ye abay hlikò. Ou se tendo tmóbóng kuy.’ ”

Isaya 45:5

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Isra 1:1

Bè yóm hol tanay halay kogot Sirus yóm tau hol geta bè Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hefedemen ke Sirus anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó snulaten, monen,

Nahum 2:6

Okóm deng le mom getufì abay se deng le sana nô bè yó, yó kem hohon le ne deng genbà le yó kem seng bè yóm él mlel ne tòdô hesut yóm tey él bong, botong gwiten yóm gònô bong yóm tau hol geta bè Asirya.

Danyél 7:5

Ominu bud mton yóm gewu ógóf lóbô mkél bè bér. Bè ktonu du hlilil, bede deng eles daen bè tonok yóm lewu tihen ne wen tlu tiol lohok nangaen. Ne wen mudél ebéléen, monen, “Yó ne, hol hwenem unged tau nsékem.”

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

1 Bok Kem Tau Hol Geta 19:15

Ne yó bud mon Dwata mò du, “Budi semfulék ebè yóm tehe gónóm gu mlan, ne hlósi ebè yóm benwu laen hol wen tauhen bè Damaskus. Ke soki kól ditu, tenwélem hnolo te kulu Hasaél mò ilô yóm kbalingen tau hol geta bè Aram.

Danyél 8:3

Yóm igou mdà bè yó, tódô tonu yóm tey ubiha logi bong mdà bè tubé yóm él, wen lewu hangahen bede tahà. Yóm sotu hangahen malù tahà senta yóm sotuhen, bede huli sut se kun yóm hanga tahà yó.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Danyél 8:4

Yóm ubiha tonu yó, kihu glebeten gotu snukóten. Tódô lemwót mlóy smoduk nan e mundug etu fi desdef, ominen bud smoduk nan e mundug etu mool, ominen bud smoduk nan e mundug e subô. Yó kem nundugen yó, là kô le gemmò béléen ne là kô wen tô mlos tmóbóng kul yó kem hensideken. Tódô beyen mò du yóm kun knóyô, mom temnù kfasangen.

Nahum 3:13

Ngem, angat le gotu lunog yó kem sendaluem, hol lómón klunog kem libun. Yó kem bak tikeb yóm syudadem, deng tódô mngal bè yó kem hohonem, deng ntem le ne gotu le mkekeb.