Isaya 44:9 - Udél Dwata: Gna Kesfasad ne Lomi Kesfasad

⁹ Yó kem tau gel mò dwata lennged laen kô mu le. Ne yó kem lennged nmò le laen kô dù muhen, balù yóm tey sidek kebtesen bè yó kem tau mò kul. Lómón ke butô le yó kem tau hemtahu du yó kem dwata lennged yó, laen kô dù tngón le. Angat sidek kyak le.

Isaya 44:9 Referans Kwoze

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Ifisus 5:8

Tehe yu ekni, deng gel nmò ye snéen kuy ni kem sidek ni, hol lómón ke tehe ye nô lem gónón kmifu. Okóm ni ne, deng ye baling kun tau yóm gónó tekuy mogot, lómón ke deng ye nô lem yóm gónón lemayag. Yó gónóm mon, nmò ye sen yóm nmò knóón bè yóm tau nô lem layag.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Sulat Pol Ebè Yó Kem Tau Hemtahu Bè Rom 1:22

Ofo kul ke hulung le hedem, okóm là. Lu se yó kem tau nungel.

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Jirimaya 14:22

Laen kô dù bè yó kem dwata kéng ke gbeken hkulón. Balù longit, là kô gbeken du hkulón ete tonok. Són uu, Dwata, ken-gel nawa me yóm hol kum gónó mogot. Tek són uu gembek mò du ni kem hni me béléem ni. Nangat me yóm któbóngem kum.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Isaya 45:20

Mon Dwata, “Gotu ye stifun dé, kdéen tau bè klamangen benwu, yó kem dù tau mowil bè yóm kegbà Babilun. Géhél ye edini nahu knukum yu. Yó kem tau mógów stodol, kem tau eles gel tayal le eta yó kem dwata koyu le, lel le gel tmaba ebè yó kem dwata là gbeken lemwà kul, laen kô dù tngón le yó kem tau mò du yóm yó.

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Isaya 44:18

Yó kem tau mò du yóm yó, laen kô tngón le. Hol lómón ke snefeng le mata le, là móyô le hemdem du yóm ktahuhen.

Isaya 43:8

Mon Dwata, “Htaba ye ebè gónô skukum yó kem dou tau. Igoen se wen mata le, là kô le mton. Igoen se wen klingu le, là kô le mungol.

Isaya 42:18

Bud mon Dwata, “Yu kem tau bokong, hol ye hmungol dé. Yu kem tau butô, hol tenngel ye dé.

Kem Lingón 135:18

Yó kem tau mò kul yó, ne yó kem tau smalig bélê le, hol le mkél bè yó kem dwata nmò le.

Kem Lingón 115:8

Yó kem tau gel mò dwata lennged yó, ne smalig bélê le, mkél le bè yó kem dwata lenbù nmò le.

Ifisus 4:18

Tódô kmifu lem hendem le. Laen kô dù kul du yóm lomi klowil deng blay Dwata. Là kô tngón le du yóm ktahuhen, abay se deng hgel le kulu le.

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’

2 Bok Kem Tau Hol Geta 19:18

ne deng gotu tudà le elem ofi yó kem dwata lennged le, ne gotu mlób kem dwata là tahu le, dwata koyu ne dwata botu nmò tdok tau.

Isaya 26:11

Là kô tngón kem hohonem du yóm angat ktafakem kul. Hol henyakem lu dé, Dwata, ne hol hnayamem lu. Hol hlayamem kul yóm tafak deng eles tgamahem bélê le. Ne hegfanem bè yó kem kóm tau yóm tey kbong nawahem kul.

Isaya 42:17

Okóm yó kem tau smalig bè dwata lenbù nmò ne hentahu le lu mò dwata le, angat tey kehyaku kul ne heglaanu lu.”

Isaya 43:9

Htaba ye ebè gónô skukum yóm kdéen tau bè kem dumu benwu. Wen kô bè yó kem kul dwata gbek tmulón du yóm angat sut elem haya? Wen kô bélê le deng tehe eles tmulón du ni kem deng nmou ni? Yó kem dwata le, eles nwit le bè gónô skukum yóm mò tmanud kul mò tmulón du ke tedeng yóm gel nmò le ne ke tahu yóm gel mon le.

Isaya 44:11

Ket tau hemtahu du yóm dwata kéng yó, angat tey sidek kyaken. Yó kem gel mò kul, hono kem tau tonok. Nit ye lu bè gónô skukum dé, nénég ye ke là sidek klikò le ne sidek kyak le.

Isaya 45:16

Yó kem tau gel mò dwata lennged, tey sidek kyak le yóm kdê le.

Dwata 4:28

Ne bud bè yó kem benwu gónón e semkla kuy gónó ye angat tmaba ebè yó kem dwata nmò tau, yó kem dwata nmò le lemwót bè koyu ne bè botu, dwata là mtonen ne là gmungolen ne là mkenen ne là gmungefen.

Kem Lingón 115:4

Okóm yó kem kul dwata yó kem tau smólók yó, hono dwata lenbù nmò le lemwót bè tahu blówón ne bè blówón bukay nmò tdok tau.

Jirimaya 2:26

Yó udél Dwata, monen, “Yóm tau mnagaw, tey sidek kyaken ke gekfô. Lómón yó se kuy kem tau Israél, angat tey sidek kyak ye bè yóm kekfóu kuy yóm kdê ye, gomong yó kem tau hol geta bélê ye ne yó kem genlal ye ne yó kem tau gel blóng ye ebéléu ne yó kem tau tugodu, angat tey sidek kyak le.