Isaya 44:8 - Udél Dwata: Gna Kesfasad ne Lomi Kesfasad

⁸ Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Isaya 44:8 Referans Kwoze

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

1 Samwél 2:2

Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.

Kun Snulat Jan 10:30

Tódô me ssotu Mà.”

Kun Snulat Jan 1:1

Gu laanen là deng wen benwu he, deng sana kem yó ne yóm Udél. Ne yóm Udél yó nô bè Dwata, ne du se yóm Dwata.

Juwél 2:27

Bè yó ne gónó ye angat temngón du yóm tendo knóu bélê ye kem dou tau Israél, tek són ou yóm sana kuy Dwata hol gónó mogot. Laen dù bud gónó le myak ne yó kem dou tau elem hulin kdaw lómón yóm gfà le ni.”

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Kem Lingón 18:31

Laen kô dù dumu Dwata, són yóm Dwata hol gónó mogot. Laen dù dumu botu gónó heklung, són yóm kut Dwata.

2 Samwél 22:32

Laen dù dumu Dwata, són yóm Dwata hol gónó mogot. Laen dù dumu gónó heklung, són yóm kut Dwata.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Isaya 46:9

Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.

Danyél 6:22

Deng wen hógów Dwata fen tmóbóng do anì là gebngat le du kakim le ni kem liyun ni ne là gehsidek le do, abay se laen dù salà ton Dwata béléu. Ne dalang se béléem, laen kô dù sidek deng nmou béléem.”

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Danyél 2:28

Okóm wen Dwata nô bè longit hulung hegfan du yóm gebnos ne mlan bè knahem gónón hegfan du béléem, yóm msut elem hulin kdaw. Ne ni, tulónu kóm yóm knahem ne yóm deng hton Dwata kóm bè yóm igoem hlilil bè gónóm tungô.

Jirimaya 10:7

Tau du se là likò kóm, igoen uu yóm hol geta bè klamangen. Uu se yóm hol knóón bang gónó likò. Bè yó kem tau alì temngón bè klamangen benwu laen kô dù tau semnged kóm. Ne laen kô dù bè yó kem tau hol geta mogot kul ke semnged kóm.

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Isaya 43:12

Deng eles tulónu gna yóm angat sut bélê ye. Bè yóm ksuten bélê ye, bud ou snéen tmóbóng kuy. Laen dù dumu dwata gembek mò du yóm ni. Yu se gemtanud du yóm deng nmou ni.

Isaya 42:9

Yó kem deng tehe eles tulónu kuy, deng tódô tahu edu. Ne ni bud wen lomi eles tulónu kuy gu laanen là deng sut.”

Isra 8:22

Là mlose mni du bè yóm tau hol geta ke wen sendalù ne kem sendalù smakay kudà hmungen kum mò mentey kum bè yó kem hohon me bè lan. Yakà deng gegna tulón me du, mon me, “Yóm kum Dwata, tey kofinen yó kem tau tmaba ebéléen, okóm bè yó kem tau kmogol du tey sidek kebuten kul.”

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Dwata 32:31

Okóm yóm kul dwata yó kem hohon tekuy, là mkélen bè yóm kut Dwata kem tau Israél. Deng eles tngón yó kem hohon tekuy ne yóm yó.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Tekang Kbuten 48:19

Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

1 Jan 1:2

Deng henbaling Dwata tau yóm monu Udél Hlowil Tau yó, deng na me ton se. Laen kô dù buten ne laen se dù sónen yóm klowilen yóm knóen bè Maen. Ni se yóm deng tehe baling tau. Ne ni se hol bótóng yóm tulón me kuy.

Hibru 12:1

Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.

Kul Nmò 14:15

tódô hendlà hgel le udél le, mon le, “Ó kem tau, moen de ke ni tô nmò ye? Olo me tau lómón kuy. Nim nógów me edini ni, na me e tulón kuy yóm Tulón Hyu anì gkogol ye ni kem dwata kéng laen dù genbek le, ne beklil ye ebè yóm Dwata mowil, yóm tehe dmimun longit ne tonok ne mohin ne kdéen ton.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kun Snulat Jan 6:10

Ne mon Jisas se mò kul, “Hyón ye lu dé yó kem tau.” Uma kóm wen gónón ukol bnes bè yóm gónó le nô yó. Ne tahu se, gotu le myón yóm le. Yó kwen kem logi, botong limu libu.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Isaya 26:4

Hol snalig tekuy Dwata ne hol bê tekuy abay nmò sónen yóm ksalig tekuy du. Laen kô dù sónen snéen yóm kofinen tekuy.

Isaya 43:11

Tek sotuhu Dwata, tek sotuhu gembek lemwà kuy.

Isaya 45:19

Laen deng udélu ke gebnos, duhen ke deng bnosu yóm atulu. Sundu yó du hmou yó kem tau Israél ke nebel le o bè yóm benwu là hyu menwu du. Ou se yóm Dwata gónó le mogot hono tahu yóm tulónu, gel hetngónu yóm tedeng.”

Kem Lingón 18:32

Du se yóm Dwata tendo hekgis dou, ne tendo mentey dou bè lanu anì laen dù hemenu.

Isaya 43:9

Htaba ye ebè gónô skukum yóm kdéen tau bè kem dumu benwu. Wen kô bè yó kem kul dwata gbek tmulón du yóm angat sut elem haya? Wen kô bélê le deng tehe eles tmulón du ni kem deng nmou ni? Yó kem dwata le, eles nwit le bè gónô skukum yóm mò tmanud kul mò tmulón du ke tedeng yóm gel nmò le ne ke tahu yóm gel mon le.