Isaya 44:7 - Udél Dwata: Gna Kesfasad ne Lomi Kesfasad

⁷ Wen kô gembek mò du yó kem deng tehe nmou bélê ye? Wen kô gembek eles tmulón du kuy yóm angat sut lemwót bè kbuten efet kól bè hol sónen?

Isaya 44:7 Referans Kwoze

Isaya 45:21

Géhél ye stifun anì snabà ye yóm kkukumu kuy. Eles ye stulón són yu. Tau du de deng gna eles tmulón du yóm kegbà Babilun yó? Kaem ou se yóm eles tmulón du, yóm Dwata gbeken lemwà yó kem tauhen. Laen kô dù dumu dwata bè klamangen, tek sotuhu.

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Isaya 43:12

Deng eles tulónu gna yóm angat sut bélê ye. Bè yóm ksuten bélê ye, bud ou snéen tmóbóng kuy. Laen dù dumu dwata gembek mò du yóm ni. Yu se gemtanud du yóm deng nmou ni.

Isaya 43:9

Htaba ye ebè gónô skukum yóm kdéen tau bè kem dumu benwu. Wen kô bè yó kem kul dwata gbek tmulón du yóm angat sut elem haya? Wen kô bélê le deng tehe eles tmulón du ni kem deng nmou ni? Yó kem dwata le, eles nwit le bè gónô skukum yóm mò tmanud kul mò tmulón du ke tedeng yóm gel nmò le ne ke tahu yóm gel mon le.

Dwata 32:8

Yó nmò yóm Dwata hol geta bè kdéen, wen mdengen benwu blayen bè ket bung tau talak tonok. Tódô eles hendemen yóm knóón bang gónó le nô yóm kdê le. Eles hendemen se yóm benwu geblà bè yóm kwen yó kem tau Israél.