Isaya 44:6 - Udél Dwata: Gna Kesfasad ne Lomi Kesfasad

⁶ Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.

Isaya 44:6 Referans Kwoze

Deng Hegfan 1:8

Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.

Deng Hegfan 22:13

Ou se yóm hol buten ne yóm hol sónen. Bud ou se gónón mbut kdéen, ne ou se yóm bud mò sónen.”

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Isaya 44:24

Ou se yóm Dwata gónó ye mogot yóm lemwà kuy. Ou se yóm Dwata deng mò kuy. Ou yóm hol gónó ye mogot, yóm dmimun yóm kentihen. Tek són ou tehe hnal yó kem longit seglafin. Ne bè yóm tehe kedlimunu tonok, laen kô tmóbóng do.

Dwata 6:4

Ó kem tau Israél, ni mò hol sù ye bè nawa ye. Yóm Dwata hol gónó mogot, tek són du yóm kut Dwata.

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Isaya 37:16

“Ó Dwata yóm Dwata laen dù là gbeken du, yóm hol kum gónó mogot kem tau Israél, yóm myón bè yóm gónóm kmamal geta senta yó kem gel hógówem nô bè yó. Tek sónen uu yóm Dwata. Gotu knamalem yóm klamangen. Uu se tehe dmimun tonok ne longit.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Deng Hegfan 2:8

“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

Isaya 54:5

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

Isaya 59:20

Yó udél Dwata ebè yó kem tauhen, monen, “Yu yóm kdê deng kmogol yó kem salà ye, angate mógów elem blóng ye bè yó bè Jirusalim naw e nofin yu ne hewau yu.

Matyu 27:37

Wen snulat dket le senta kuluhen yóm udél duón le du, yó monen, “Ni se Jisas, tau hol geta bè yó kem Ju.”

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

Deng Hegfan 1:11

Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

Isaya 43:9

Htaba ye ebè gónô skukum yóm kdéen tau bè kem dumu benwu. Wen kô bè yó kem kul dwata gbek tmulón du yóm angat sut elem haya? Wen kô bélê le deng tehe eles tmulón du ni kem deng nmou ni? Yó kem dwata le, eles nwit le bè gónô skukum yóm mò tmanud kul mò tmulón du ke tedeng yóm gel nmò le ne ke tahu yóm gel mon le.

Jirimaya 10:1

Ó kem tau Israél, hol hnungol ye yóm udél Dwata ebélê ye,