Isaya 44:5 - Udél Dwata: Gna Kesfasad ne Lomi Kesfasad

⁵ Ne yó kem tólóng tau, angat sotu kun mon du, ‘Tauhe Dwata dou.’ Ne yó kem tau mon du yóm yó, angat le mung bè yó kem tau Israél. Sket kul tmugéng du bè sigel le yóm boluy Dwata. Gel mon le, ‘Ou se sotu tau Dwata.’ ”

Isaya 44:5 Referans Kwoze

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Glasya 6:16

Yó kem tau lemolò du yóm monu yó koni, Dwata he hol tendo henek nawa le ne hol kmodu kul. Là olon lu du, yake gotu le gomong lemen snéen kul kdê yó kem kun tau Dwata.

2 Kurin 8:5

Ya tey ketnga me du yóm kbong blay le. Okóm yó hol tanay nmò le, na le gotu hogot yóm gónó tekuy mogot yóm kul klowil. Ne lemwót bè yóm kimón le ke Dwata, bud gbót nimón le mi snéen kum.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Mika 4:2

Tey dê but tau angat mógów ebè yó, yó udél le, “Lemwót tekuy ne mneged eta yóm bulul Dwata, mógów tekuy etu bè Gónô yóm Dwata yó kem tau Israél. Bè yó gónón tmolok du tekuy yóm kun kóyô anì lolò tekuy yóm kun lan.” Abay se bè yó kem kdaw yó, lemwót bè Jirusalim yóm kun tolok Dwata ne yóm kun udél.

Kem Lingón 116:16

Ou se tóbóng lówóhem, Dwata. Nimónu uu hol lómón yóm tehe kimón yê kóm. Deng lenwaem ou lem hatay.

Nihimaya 9:38

Ne ni, Dwata, lemwót bè yóm kdê deng glan me ni, mi kem tau Israél, wen safà nmò me béléem. Sù me bè sulat yóm fasad me ni, omin me hefema du bè yó kem tau gónó me gel galak ne bè yó kem sfu Libay ne bè yó kem tau gel blóng me ebéléem. Yóm kdê le, gotu le fema lemen.”

Glasya 6:17

Ni se mò sónu du, hol béen abay wen tau bud tô hemkéng du yóm kehmò Jisas du do nim nmou ni. Hnénég ye ni dé lówóhu, deng hono lekes halì. Ni se ilô yóm deng kimónu du yóm gel dók Jisas do.

Jirimaya 32:10

Bè yóm deng keblihu du femahu yóm klatas, ominen wen dketu du lem blóng yó kem gemtanud du. Tnimbangu yóm blówón bukay blihu du, ominu mayad du.

2 Tutul Israél 36:23

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen dou yóm klamang benwu. Deng fen sigangen tahu bud hefdà du yóm kun Gónô bè Jirusalim yóm syudad glem lem Juda. Duhen ni, yóm kdê ye kem kun tau Dwata tehe negef, hol ye bud mulék ne ebè yóm kuy benwu anì na ye e bud hdà yóm kun Gónô Dwata bè yó. Yó hem sana kuy Dwata hol gónó mogot tendo nô bélê ye.” Yó se yóm udél snulat Sirus.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”