Isaya 44:4 - Udél Dwata: Gna Kesfasad ne Lomi Kesfasad

⁴ Bè yóm angat klowil le, hol le mkél bè yó kem bnes eles héfê tonoken ne mkél le bè yó kem koyu tmowok tmubé él.

Isaya 44:4 Referans Kwoze

Isaya 58:11

Ne tendo gel sen-galaku yu ne hegsengelu nawa ye bè yó kem hyu blayu kuy. Tendo gel hekgisu lówó ye ne hlayuku bélê ye yó kem des. Lómón ke yu yóm gónó mò hulu eles tendo héfê tonoken ne lómón ke yu yóm tbul él là ktihen.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Isikél 17:5

Bè yóm benwu gónón ma yóm tubed sidar yó koni, wen sotu hulu lemfà nwahen ne huluhen bè yóm gónón mabù tonok tendo wen élen anì tilob kenoken, lómón yóm koyu mteg kilil él.

Kul Nmò 4:4

Bede tey dê bè yó kem tau deng mungol yóm ktolok le baling hemtahu. Setnù logi hemtahu gomong bè gnan, wen dô limu libu kwadag le.

Kul Nmò 5:14

Senged nóm, deng sónmoen se temnù tau hemtahu bè Jisas, kem logi ne kem libun.

Isaya 61:11

Sok deng huluhem yóm lem hulu, hol dohò tmowok se yó. Senged snéen yóm nmò Dwata, yóm Dwata hol dandónen geta gónó tekuy mogot. Angat dohò kehewaen kul yó kem tauhen ne gotu dóyón le Dwata yóm kdéen tau bè klamangen benwu. Là gomongen bè nili yóm tsaptér 62. Yó tulónen yóm kni Isaya bè Dwata gbak bè yóm syudad Jirusalim, yóm deng gotu kegbaen ne ktagak le du. Yó gel boluy le du yó kem dumu, Syudad Deng Tnagak Dwata, duhen ke Tonok Là Hyu Menwu Du. Okóm eles ton Isaya yóm mò kmoen bè hulin kdaw, ne tonen yóm kmò kehgulék Dwata yóm syudad Jirusalim ne yóm bud kehefdaen du. Mon Isaya bè bérs 7, “Hol ye gel mni bè Dwata efet henbalingen Jirusalim hol tótól bè klamangen benwu.” Bè yóm kdaw yó gotu bud sentifun Dwata yó kem kun tau, yó kem deng gotu sekla ebè klamangen benwu. Gotu nwiten lu mulék ne eles wen kem ofol mò blayen kul.

Hlolò 23:40

Bè yóm hol tanay kdaw nit ye yóm hol hyu bè yó kem bungu koyu ye. Ne bud ye mit doun lefò dalang se yó kem hanga koyu alì dmoun bélê ye mò ngom slung ye. Omin ye yó mbut du yóm kehligal gónó ye madat yóm sana kuy Dwata hol gónó mogot.

Job 5:25

Yó kem ngaem angat tey kwen le. Ne yó kem semfu gu béléem, lómón angat kwen le lómón yó kem bnes gónó ye gel hótób ógóf.

Isaya 48:19

Ke deng tehe hnungol ye, deng le tey mobung ne yó kem sfu ye lómón kwen le helek. Ne lemwót bè yóm kofinu kul laen dù tau gembek gemlà kul.”