Isaya 44:3 - Udél Dwata: Gna Kesfasad ne Lomi Kesfasad

³ Angat nmou él gu lem yóm benwu balù udì ke tehe wen élen. Ne wen él hlelu bè yóm tonok alì sidek kékéngen. Ne tódô suu bè yó kem ngà ye yóm dou Tulus ne tey któbóngu yó kem sfu ye.

Isaya 44:3 Referans Kwoze

Juwél 2:28

Yó bud udél Dwata, monen, “Kogolen bè yó, gotu suu bè kdéen tau yóm dou Tulus. Yó kem ngà ye logi ne kem ngà ye libun, angat le baling tugodu. Yó kem tuha bélê ye, angat wen heknahu kul. Yó kem logi lomi lemnok, angat wen htonu bélê le.

Kul Nmò 2:17

‘Sok móyónen kól yóm hol són kdaw, mon Dwata, ni se angat nmou. Angat suu bè kdéen tau yóm dou Tulus. Yó kem ngà ye logi ne kem ngà ye libun, angat tugod le yóm dou udél. Ne yó kem logi lomi lemnok, angat wen gel htonu kul. Ne yó kem tuha logi, angat wen gel heknahu kul.

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Kem Udél Hlalak Tehe Selumun 1:23

Ke hnungol ye yóm kbólówu kuy gotu hetngónu kuy yóm dou hendem ne yóm dou ketngón.

Deng Hegfan 21:6

Ne bud monen mò do, “Deng gotu deng ne kdéen. Ou se yóm hol buten ne bud sónen. Bud ou se yóm gónón mbut yóm kdéen, ne ou se yóm bud mò sónen. Yóm tau meeng, angat hinumu bè yóm tbul él gónón mowil tau, yóm él là kô feng benli du.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Isaya 32:15

Bede angat bud hwit Dwata elem blóng tekuy yóm kun Tulus. Yó kem tonok là bud hyu mò hulu tahen, angat bud baling tonok hyu ne angat tey bong nuta le du.

Kul Nmò 10:45

Ya tey ketnga yó kem Ju dumu Pitér lemwót bè Jupa yóm keblay Dwata du yó kem tau là Ju le yóm Tulusen.

Kem Lingón 107:35

Okóm yóm tonok balù udì ke wen élen, deng wen busung él nmò Dwata bè yó. Ne yóm tonok alì mékéng laen dù élen, deng tódô wen él hetbulen bè yó.

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Juwél 3:18

Bè yóm kdaw yó, tódô hono lefà grép bè yó kem bulul lembang ne bè yó kem bulul lemnek, tódô hono safì mótób bè yó. Angat bud wen él mlel bè yó kem sbong deng kti bè Juda. Ne angat wen él tembul gu lem yóm kun Gónô Dwata, gotu hnéféen yóm Datal Koyu Akasya yóm datal mékéng tonoken.

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.

Isikél 34:26

Tendo nuyagu lu yó kem dou tau ne suu lu hilol yóm dou bulul, bè yó gónóhu tmóbóng kul. Hkulónu elem benwu le bè yóm kdaw wen mu le du. Bud lómón yó se angat tendo kehkulónu du ebélê le yóm tóbóngu kul.

Isaya 61:9

Angat le tey tótól bè yó kem dumu benwu. Ket tau mton kul, tódô tngón le lu se yó kem dou tau tnóbóng.”

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Kem Lingón 63:1

Ó Dwata, uu se yóm hol dou Dwata, tey khahuu kóm. Tey kesgalu nawahu kóm. Hol lómó kegnómu du, hol lómón yóm tonok mékéng là buden hyu, balù udì ke méfê. Hol lómón yó se kegnómu du bè yóm khahuu kóm.

Isaya 49:10

Laen dù bud angat gónó le bitil ne laen kô dù bud gónó le meeng. Balù yóm alì sidek kkinien bè yóm benwu là hyu menwu du, là kô gehsideken kul abay se eles nalaken lu yóm kembong nawa kul. Angat gel nalaken lu ebè yó kem tbul él.

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Matyu 12:43

“Ke deng mdó bè yóm tau yóm tulus seitan gel malak du, yó lanen semibet gu lem bnes mebel gónón e hegnô. Okóm ke laen dù bang tonen,

Job 5:25

Yó kem ngaem angat tey kwen le. Ne yó kem semfu gu béléem, lómón angat kwen le lómón yó kem bnes gónó ye gel hótób ógóf.

Isaya 48:19

Ke deng tehe hnungol ye, deng le tey mobung ne yó kem sfu ye lómón kwen le helek. Ne lemwót bè yóm kofinu kul laen dù tau gembek gemlà kul.”

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Isikél 36:27

Suu bélê ye yóm dou tulus anì nimón ye yó kem dou hlau kuy ne anì wen ketgama ye mò du yóm dou hlolò kuy.

Isikél 47:8

Ne yó udélen ebéléu yóm tau yó, monen, “Nim él ni, mlel etu fi dmata kdaw elem yóm benwu là hyu menwu du efet kól bè Datal Jurdan, hlós elem Mohin Héét. Yóm kkólen elemen, tódô gotu kóhen khéét yóm él mohin yó, henbalingen él hyu.

Mika 5:7

Ominen lemwót yó kem dù mowil bè yó kem tau Israél menwu lem blóng yó kem tólóng benwu, hol lómón kmò le ke amù hwit Dwata ebè yó kem dumu tau, duhen ke kulón mò hméfê bnes. Són Dwata snalig le, là kô le smalig bè tau.

Isaya 27:3

“Tendo knudungu ni kem huluhu ni ne tendo gel tenwélu. Tódô senflósu kifu ne kemdaw mentey du anì laen dù tau hemsidek du.

Juwél 2:27

Bè yó ne gónó ye angat temngón du yóm tendo knóu bélê ye kem dou tau Israél, tek són ou yóm sana kuy Dwata hol gónó mogot. Laen dù bud gónó le myak ne yó kem dou tau elem hulin kdaw lómón yóm gfà le ni.”

Juwél 3:1

Yó udél Dwata, monen, “Bè yóm kdaw yó, yóm kdaw bud kehguléku klowil yó kem tau bè Juda ne bè Jirusalim,