Isaya 44:12 - Udél Dwata: Gna Kesfasad ne Lomi Kesfasad

¹² Yó nmò yóm tau msól wen bala tók nwahen, ominen lemubón du lem ofi ne nsólen ne tey kekgis yóm sigelen msól du. Bè yóm ksólen du gnómen kbitilen, lelen meeng ne miteg.

Isaya 44:12 Referans Kwoze

Isaya 40:19

Yóm Dwata kun, là kóen mkél bè yóm dwata lenbù nmò tau. Yóm dwata lenbù nmò le yó, sal gel lenafin le tahu blówón yó kem tau temwél du ne bud wen blówón bukay nmò le mò gónó le hdà du.

Hbakuk 2:13

Yóm tey kliteg le yó kem tau hefdà du yóm benwu yó, okóm wen dumu benwu angat bud gmida du gotu ntem le, gotu baling kohù yóm kdéen. Tey kehmò le du, okóm laen kô dù uléken. Yó se deng fasad yóm Dwata laen dù là gbeken du.

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Kehewà 32:4

Omin Aron ma kul ne hnoen. Ominen temwél du ngà safì tudu blówón. Ne yó mon yó kem tau, “Ó kem tau Israél, ni se yóm dwata lennged tekuy, yóm deng hewà tekuy gu bè Idyip.”

Dwata 4:28

Ne bud bè yó kem benwu gónón e semkla kuy gónó ye angat tmaba ebè yó kem dwata nmò tau, yó kem dwata nmò le lemwót bè koyu ne bè botu, dwata là mtonen ne là gmungolen ne là mkenen ne là gmungefen.

Isaya 40:20

Bong bè yóm tau là gbeken du bemli yóm blówón bukay ne tahu blówón mò dwatahen, tódô mebel yóm koyu mtétél yóm là mahilen bolok. Ominen hmò du bè yóm tau alì hulung mò yóm dwata lennged là gelen hugón.

Hbakuk 2:18

Tedu se guta ye du yó kem dwata lennged nmò tau? Tey nungel yóm tau smalig bè yó kem nmò tdok tau. Tedu se mu ye hemtahu du yó kem lennged là mudél yó?

Sikaraya 1:20

Ominen wen fat kem tau msól bud hton Dwata do.