Isaya 44:11 - Udél Dwata: Gna Kesfasad ne Lomi Kesfasad

¹¹ Ket tau hemtahu du yóm dwata kéng yó, angat tey sidek kyaken. Yó kem gel mò kul, hono kem tau tonok. Nit ye lu bè gónô skukum dé, nénég ye ke là sidek klikò le ne sidek kyak le.

Isaya 44:11 Referans Kwoze

Isaya 42:17

Okóm yó kem tau smalig bè dwata lenbù nmò ne hentahu le lu mò dwata le, angat tey kehyaku kul ne heglaanu lu.”

Isaya 45:16

Yó kem tau gel mò dwata lennged, tey sidek kyak le yóm kdê le.

Isaya 1:29

Angat tey sidek khuli sel ye lemwót bè yóm gel ktaba ye bè yó kem koyu ne lemwót bè yóm dê hulu ye hilolen deng hetfing ye bè yó kem dwata kéng gel tnaba ye.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Jirimaya 10:14

Ke hol hendem tekuy yóm tey kegbek Dwata, laen kô dù tngón le yó du kem olo tau te tonok, hono le nungel. Yó kem tau mò dwata lennged angat le gotu myak, abay se kéng yóm dwata lennged nmò le, là mowil le laen dù genbek le.

1 Bok Kem Tau Hol Geta 18:40

Omin Ilaydya mdók yó kem tau, monen, “Kenfô ye lu yó kem tugod Baal. Hol béen wen sotu bélê le fen mlóy.” Tahu se, gotu kenfô le lu, ne nwit Ilaydya lu mosol ebè Él Kison, ne bè yó gónóhen hmatay kul.

Isaya 44:9

Yó kem tau gel mò dwata lennged laen kô mu le. Ne yó kem lennged nmò le laen kô dù muhen, balù yóm tey sidek kebtesen bè yó kem tau mò kul. Lómón ke butô le yó kem tau hemtahu du yó kem dwata lennged yó, laen kô dù tngón le. Angat sidek kyak le.

Dwata 4:28

Ne bud bè yó kem benwu gónón e semkla kuy gónó ye angat tmaba ebè yó kem dwata nmò tau, yó kem dwata nmò le lemwót bè koyu ne bè botu, dwata là mtonen ne là gmungolen ne là mkenen ne là gmungefen.

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”