Isaya 44:1 - Udél Dwata: Gna Kesfasad ne Lomi Kesfasad

¹ Yó udél Dwata, monen, “Hol ye hmungol, kem tau Israél, kem tau tóbóng lówóhu. Yu se kem tau deng néléku, kem tau semfu gu bè tehe Jakub.

Isaya 44:1 Referans Kwoze

Isaya 41:8

Yó udél Dwata, monen, “Yu kem tau Israél, hono kem dou tóbóng lówó. Deng néléku yu kem tau semfu gu bè yóm tehe weu Abraham.

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

Kun Snulat Luk 13:34

Yu kem tau menwu bè Jirusalim, sal gel hnatay ye yó kem tau tugod Dwata, ne gel hnatay sentudà ye botu yó kem gel hógów Dwata ebélê ye. Deng hilu duléku ne tô móyô sembung kuy, lómón tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Isaya 42:23

Yake wen bélê ye móyô hmungol du yóm ni. Lenwóten ni ne, yake wen bélê ye hol hmungol du yóm monu.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Kem Lingón 136:22

Gotu hfunen yó kem tau Israél, kem tau tóbóng lówóhen. Laen kô dù tul sónen yóm kbong nawan tekuy là monolen.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Isaya 41:9

Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.

Isaya 44:21

Yó mon Dwata, “Yu kem tau Israél, hol bê ye abay klifót nim monu ni, yu se yó kem dou tau tóbóng lówó. Deng nmou yu mò tóbóng lówóhu, là kô naw e klifót kuy.

Isaya 45:4

Deng néléku u mò tmóbóng yó kem tau Israél, yó kem tau deng néléku mò tóbóng lówóhu. Tey kehegetahu kóm, balù yóm là ketngónem dou.