Isaya 43:9 - Udél Dwata: Gna Kesfasad ne Lomi Kesfasad

⁹ Htaba ye ebè gónô skukum yóm kdéen tau bè kem dumu benwu. Wen kô bè yó kem kul dwata gbek tmulón du yóm angat sut elem haya? Wen kô bélê le deng tehe eles tmulón du ni kem deng nmou ni? Yó kem dwata le, eles nwit le bè gónô skukum yóm mò tmanud kul mò tmulón du ke tedeng yóm gel nmò le ne ke tahu yóm gel mon le.

Isaya 43:9 Referans Kwoze

Isaya 46:10

Deng eles tulónu kuy lemwót bè kbuten yóm angat sut hulin kdaw. Tehe yu ne ekni eles ktulónu du yóm sut yó. Deng tehe tulónu kuy sok dou atul, hol dohò se yó. Tódô nmou yóm kdê deng eles natulu.

Juwél 3:11

Hgéhél ye ne yóm kdéen tau bè klamangen benwu, gotu ye stifun ditu bè datal.” Yó ne, Dwata, hol hwitem etu yó kem kóm sendalù.

Isaya 43:26

Mógów tekuy ebè gónô skukum dé, klamo ye ou ditu. Hegfan ye kun ke tahu yóm gónó ye kmamo do.

Kem Lingón 50:1

Mudél yóm Dwata laen dù là gbeken du yóm sana Dwata hol gónó mogot. Tinoken yóm kdéen tau talak tonok lenwóten fi dmata kdaw kól desdef.

Isaya 44:6

Yó bud udél yóm Dwata mogot yó kem tau Israél, yóm tendo gel mofin kul yóm Dwata laen dù là gbeken du, monen, “Ou se hol buten ne hol sónen, yóm tek sotu Dwata. Laen dù dumu Dwata, són ou.