Isaya 43:6 - Udél Dwata: Gna Kesfasad ne Lomi Kesfasad

⁶ Angat dóku yó kem benwu fi debwak anì hulék le lu. Senged se yó kem benwu tofi leged anì là nali le kul. Angat dóku yó kem tau bè benwu mayuk anì hulék le lu yó kem dou tau lemwót le gu bè kdéen benwu talak tonok.

Isaya 43:6 Referans Kwoze

Jirimaya 3:14

“Ó kem tau là mimón, semfulék ye ebéléu ne. Ou se mfun kuy. Angat bud nwitu yu semfulék ebè yóm kuy benwu Israél lemwót gu bè yóm kdê benwu deng gónóhu e semkla kuy, sotu bélê ye angat lemwót bè yóó ne lewu se angat lemwót bè yóm benwu tuu.

Kem Lingón 107:3

ne deng niten yu hewà gu bè yó kem tólóng benwu mayuk, bè yó kem benwu fi dmata kdaw ne fi gu desdef, ne fi gu debwak ne fi gu leged.

Dwata 30:4

Baluen he ke deng ye gotu sekla ebè tu kem benwu bè hol són tonok, kaem bud sentifunen yu yóm sana kuy Dwata hol gónó mogot ne niten yu mulék

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Isaya 49:12

Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

Isaya 49:22

Yó udélen ebè yó kem tauhen yóm Dwata hol dandónen geta gónó le mogot, monen, “Olohu kmobil yó kem dumu benwu anì tódô nwit le lu mulék elem blóng ye yó kem ngà ye.

Isaya 54:3

Bud lebétem du yóm gu hilol kililen. Bud tódô nwa yó kem tauhem yóm kul tonok deng nô lem hólól yó kem tólóng tau. Yó kem syudad deng tehe tnagak le, tódô bud henok tau.

Isaya 60:4

Ó Jirusalim, temngeli gu hilol dé anì tonem yóm kul nmò yó kem tauhem. Gotu le stifun anì bud le mulék ebéléem. Yó kem ngaem logi, angat le mulék ebéléem lemwót gu bè yó kem tey benwu mayuk. Ne yó kem ngaem libun, lómón ke ngà lemnek kwit le kul bè yóm kulék le.

Isaya 60:9

Duhen yó se yó kem kafal lemwót gu bè doli benwu mayuk. Eted le lu ebè kul benwu yó kem tau Dwata. Wen kem blówón bukay ne kem tahu blówón nwit le mulék mò gónó le hegfan du yóm kadat le ke Dwata yóm Dwata yó kem tau Israél yóm Dwata laen kô dù belenen. Lemwót bè Dwata se gónó le madat kul yó kem kun tau yó kem tau bè kdéen benwu.

Jirimaya 23:8

Mom yó angat mon le, ‘Smafà me ebè yóm Dwata laen dù tul katayen, yóm deng mit kul semfulék yó kem tau Israél ebè yóm kul benwu, gu le bè yóm benwu fi bwak ne gu bè yóm kdê dumu benwu deng tehe gónón e hegef kul.’ Omin le yó he henek bè yóm hol kul benwu.”

Jirimaya 29:14

Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”

Jirimaya 31:8

Tahu se,” mon Dwata, “angat bud nwitu lu semfulék lemwót gu tebwak ne bud sentifunu lu lemwót ditu bè són tonok. Angat le bud mung se kul yó kem tau butô ne yó kem tau tugô. Dalang se yó kem libun tolo mlutut ne yó kem libun móyón kmuleng blutut le. Angat tey kwen le bè yóm bud kesfulék le.

Isikél 36:24

Ni se angat nmou, gotu bud sentifunu yu gu bè yó kem benwu deng gónóhu e semkla kuy ne nwitu yu semfulék ebè yóm hol kuy benwu.

Isikél 37:21

Tulónem kul yóm udél yóm sana Dwata hol dandónen geta, yó monu, Gotu bud sentifunu lu yó kem tau Israél deng nô bè yó kem tólóng benwu. Bud nwitu lu mulék gu bè yó kem benwu deng gónó le e sekla, nwitu lu mulék ebè yóm hol kul benwu.

Juwél 3:7

Okóm angat gotu bud nwitu lu semfulék gu bè yó kem benwu deng gónó ye hembalù kul ne angat huléku eta ye yóm deng nmò ye bélê le.

Sikaraya 6:6

Yóm klitun tók dyol kudà hitem fen mógów ebè yóm benwu fi bwak ne yóm klitun tók dyol kudà bukay fen huli du. Ominen yóm klitun tók dyol kudà kebting fen mógów ebè yóm benwu fi leged.”