Isaya 43:5 - Udél Dwata: Gna Kesfasad ne Lomi Kesfasad

⁵ Hol bê ye abay hlikò, tendohe nô bélê ye. Angat bud huléku yó kem kuy dumu deng sekla ebè yóm hol kuy benwu. Bè yóm angat kulék le yó, wen se bélê le lemwót bè doli benwu ditu fi dmata kdaw ne doli benwu ditu fi desdef.

Isaya 43:5 Referans Kwoze

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Kun Snulat Luk 13:29

Angat tey dê tau là Ju le, lemwót fi gu dmata kdaw ne fi gu desdef ne fi gu leged ne fi gu debwak. Angat le gotu seyón mken bè yóm kun benwu nogot Dwata. Tódô kentihen benwu talak tonok angat gónó le gu lemwót yó kem tau angat mung bè yó.

Isaya 49:12

Tey mayuk gónó le gu lemwót. Lemwót le gu fi debwak ne fi desdef ne lemwót le gu bè benwu Aswan yó kem dumu, benwu hol fi leged.

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Sikaraya 8:7

Bud ni se udél yóm Dwata laen dù là gbeken du, monen, Tahu dohò se yóm angat kehewau kul yó kem dou tau deng negef le ebè yó kem benwu fi dmata kdaw ne ebè yó kem benwu fi desdef.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 41:8

Yó udél Dwata, monen, “Yu kem tau Israél, hono kem dou tóbóng lówó. Deng néléku yu kem tau semfu gu bè yóm tehe weu Abraham.

Kem Lingón 106:47

Ó Dwata yóm hol gónó mogot, lenwaem mi. Bud sentifunem mi gu bè yó kem benwu deng gónóhem e semkla kum anì bemlay me slamat béléem, ne hligal me dmóyón kóm.

Kun Snulat Jan 10:16

Wen he yó kem dumu ubihahu là deng sentifunu kul ebè ni. Angat gotu nitu lu snéen ne angat hnungol le yóm dou udél. Tódô angat sensotuhu bung le yóm kdê ubihahu, ne tek sotuhu se yóm angat semgyok kul.”

Mika 2:12

Yó bud udél Dwata ebélê le, monen mò kul, “Okóm yu kem dù tebel bè yó kem tau Israél, hulin kdaw gotu bud sentifunu yu. Gotu bud nwitu yu semfulék lómón yó kem ubiha bud mulék ebè yóm hol kul gónó nô ne lómón yó kem ógóf bud mótób bè yóm hol kul gónó mótób. Yóm benwu ye, angat tey bud genged tauhen.”

Kem Lingón 107:3

ne deng niten yu hewà gu bè yó kem tólóng benwu mayuk, bè yó kem benwu fi dmata kdaw ne fi gu desdef, ne fi gu debwak ne fi gu leged.

Isaya 8:10

Eles ye mò atul, okóm laen kô dù nefeten yóm atul ye yó. Eles sentulón ye yóm nóyô nmò ye, okóm laen dù gónóhen e kól yóm nmò ye yó abay se yóm Dwata tendo eles nô bélê me kum.

Isaya 41:9

Deng gotu sentifunu yu lemwót gu bè hol són tonok, deng tnabahu yu lemwót gu bè doli benwu. Ne yó monu mò kuy, ‘Yu se yó kem mò tóbóng lówóhu.’ Là kô naw e kenbê kuy igò sem yu yóm dou nélék.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Isaya 49:18

Ngem, nénégem dé yóm gu hmilolem, deng nbut le gotu stifun yó kem tauhem, gotu le bud mulék ebéléem. Ou se yóm Dwata là matayen, hol tahu yóm tulónu kóm ni. Tey kehyu nawahem bè yó kem tauhem bud mulék ebéléem, hol lómón yóm kehyu nawa yóm libun myehen bè yóm kimuhen mebtes.

Isaya 54:3

Bud lebétem du yóm gu hilol kililen. Bud tódô nwa yó kem tauhem yóm kul tonok deng nô lem hólól yó kem tólóng tau. Yó kem syudad deng tehe tnagak le, tódô bud henok tau.

Isaya 54:7

“Tek likóten yóm ktebelu kuy. Okóm lemwót bè yóm kbong nawahu kuy, yó gónóhu bud semfulék kuy.

Isaya 61:9

Angat le tey tótól bè yó kem dumu benwu. Ket tau mton kul, tódô tngón le lu se yó kem dou tau tnóbóng.”

Jirimaya 23:8

Mom yó angat mon le, ‘Smafà me ebè yóm Dwata laen dù tul katayen, yóm deng mit kul semfulék yó kem tau Israél ebè yóm kul benwu, gu le bè yóm benwu fi bwak ne gu bè yóm kdê dumu benwu deng tehe gónón e hegef kul.’ Omin le yó he henek bè yóm hol kul benwu.”

Jirimaya 29:14

Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”

Jirimaya 42:11

Bê ye abay bud hlikò bè yóm tau hol geta bè Babilun, abay se ou tendo nô bélê ye ne angat bud lenwau yu lem hólólen.

Juwél 3:7

Okóm angat gotu bud nwitu lu semfulék gu bè yó kem benwu deng gónó ye hembalù kul ne angat huléku eta ye yóm deng nmò ye bélê le.

Jirimaya 3:18

Bè yóm kdaw yó, angat le slomong mulék yó kem tau tehe lemwót bè Juda ne yó kem tau tehe lemwót bè Israél, mulék le gu bè yóm benwu fi bwak tehe gónó le e megef kul. Gotu le mulék edini eta yóm tonok tehe fasadu yó kem fù le ekni mò hlós nfun le.

Jirimaya 23:7

Angat kól yóm kdawen,” mon Dwata, “ke smafà yó kem tau Israél là kô mon le du, ‘Smafae bè yóm Dwata laen dù tul katayen, yóm deng hewà yó kem tau Israél gu bè Idyip.’