Isaya 43:12 - Udél Dwata: Gna Kesfasad ne Lomi Kesfasad

¹² Deng eles tulónu gna yóm angat sut bélê ye. Bè yóm ksuten bélê ye, bud ou snéen tmóbóng kuy. Laen dù dumu dwata gembek mò du yóm ni. Yu se gemtanud du yóm deng nmou ni.

Isaya 43:12 Referans Kwoze

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

Dwata 32:12

Tek són Dwata se tehe gel malak kul, laen kô dù dumu dwata fen tmóbóng kul.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Isaya 37:20

Duhen yó, Dwata, yóm hol kum gónó mogot, hol lenwaem mi gu lem tdok yó kem tau Asirya anì tngón yóm kdéen tau bè klamangen benwu tek són uu yóm hol tahu Dwata.”

Isaya 37:7

Angat wen udél heglileb Dwata du yóm tau hol geta bè Asirya yó, hlanen bè yó kem sentulón tau. Bè yóm angat kungolen du yóm udél yó, angat tódô bud mulék ebè kun benwu ne bè yó gónó Dwata hfatay du.”

Dwata 32:16

Yóm ktaba le bè yó kem tólóng dwata gónón sidek kélés nawa Dwata. Lemwót bè yóm ksidek nmò le, yó gónón alì lembut kul.

Isaya 45:19

Laen deng udélu ke gebnos, duhen ke deng bnosu yóm atulu. Sundu yó du hmou yó kem tau Israél ke nebel le o bè yóm benwu là hyu menwu du. Ou se yóm Dwata gónó le mogot hono tahu yóm tulónu, gel hetngónu yóm tedeng.”

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Isaya 55:4

Deng tehe nmou Dabid mò tau malak kem dumuhen ne baling sotu tau hol geta mò malak yó kem tau bè dumu benwu. Mlan béléen gónóhu hegfan du bélê le yóm kfasangu.