Isaya 43:10 - Udél Dwata: Gna Kesfasad ne Lomi Kesfasad

¹⁰ Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

Isaya 43:10 Referans Kwoze

Isaya 45:6

Yó gónóhu mò du yóm ni anì yó, kdéen tau bè klamang benwu angat temngón du ou yóm hol gónó mogot. Laen kô dù dumu Dwata, són o.

Isaya 43:12

Deng eles tulónu gna yóm angat sut bélê ye. Bè yóm ksuten bélê ye, bud ou snéen tmóbóng kuy. Laen dù dumu dwata gembek mò du yóm ni. Yu se gemtanud du yóm deng nmou ni.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Flipay 2:7

Okóm lemwót bè kun kóyô, gloken tódô tmebel du yóm kun kegeta na a hbaling bè kun kmò yóm tau tóbóng lówó. Tódô baling tau te tonok.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Isaya 41:20

Yó kem nmou yó, angat kdéen tau gotu mton du ne temngón du ou se yóm Dwata hol gónó mogot fen mò du. Ne tódô tngón le yóm kul Dwata yó kem tau Israél yóm Dwata laen dù belenen, du se mò du yóm ni.” Là gomongen bè nili yóm bérs 21 kól bè bérs 29. Bè ni kem bérs ni, htulón Dwata ke Isaya yóm kewóten béléen yóm kegmò Sayrus yóm tau hol geta bè Persya, bè yóm kleden yó kem dê benwu ne yóm bud keblayen kul kwalis mulék ebè kul benwu yó kem tau deng negef le. Yó sotu htulón Dwata ke Isaya yóm klaen dù muhen yóm gel ktaba le bè yó kem dwata kéng, abay se là gbek le tmulón du yóm mò kmoen bè yóm gnahen ne là se gbek le tmulón du yóm mò kmoen bè hulin, ne là se gbek le mò du yó kem hentaw ton. Mon Isaya mò kul yóm kul dwata kéng yó, laen kô dù lemen lómón lenos. Okóm gbek Dwata eles tmulón du kul yóm mò kmoen elem haya. Yó tulónen kul yóm kóyónen kól yóm sotu mò tmóbóng kul bè yó kem hohon le, deng sana gu ditu ne. Dwata se tmóbóng du mò gemlà yó kem hohon le.

Deng Hegfan 1:2

Ne lemwót ke Jan, du bud tles tmulón du yóm deng tonen. Ni sii yóm snulaten gbak ebè yóm tehe tulón Dwata ke Jisas, ne yóm ktahuhen deng hegfan Jisas Krays béléen.

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kun Snulat Jan 15:27

Dalang se kuy, angat wen tulón ye lemwót bè dou kmò, abay se deng ye nô béléu lemwót bè yóm kbut ktoloku.”

Isaya 41:8

Yó udél Dwata, monen, “Yu kem tau Israél, hono kem dou tóbóng lówó. Deng néléku yu kem tau semfu gu bè yóm tehe weu Abraham.

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

1 Kurin 15:15

Là olohen yó du, ilóem dô hono kéng yóm gel tolok me kuy lemwót bè Dwata, abay se gel mon me deng hlowil Dwata yóm Krays. Okóm ke tahu se yóm gel mon le yó yóm là klowil Dwata du yó kem tau matay, ilóem là deng hlowilen ke Krays he kun.

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Kulasi 1:7

Nim tóbóng Dwata ni, deng tehe dnalang ye bè Ipafras yóm sotu tóbóng lówó Krays, kum dumu sogot nawa. Tey gulit bè yóm kmoen nmò bè Krays mò gónón tmóbóng kum bè yóm ktolok me bélê ye.

Isaya 55:4

Deng tehe nmou Dabid mò tau malak kem dumuhen ne baling sotu tau hol geta mò malak yó kem tau bè dumu benwu. Mlan béléen gónóhu hegfan du bélê le yóm kfasangu.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kem Lingón 102:27

Okóm kóm, sana uu, laen kô dù nam e són.

Isaya 45:5

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Isaya 49:23

Yó kmò yó kem tau hol geta mogot bè yó kem benwu yó, lómón ke hol ngà le yu. Ne yó kem libun boi yehen le, lómó kmò le ebélê ye lómón ke hol kuy yê. Tey keheglaan le ebélê ye ne tey kadat le kuy. Angat wen lan le hegfan du ebélê ye yóm kadat le kuy. Bè yóm kmò le ebélê ye yó, bè yó gónó ye temngón du ou se yóm Dwata gónó ye mogot. Laen dù tau sidek nawan ke nangaten yóm któbóngu du.

Hagay 2:23

Bè yóm kdaw yó, angat néléku uu, Sirubabél yóm tau tóbóng lówóhu, mò mogot yó kem dou tau ne hlanem bè dou boluy yóm kogotem kul. Uu se yóm hol dou nélék.” Dwata se mon du nim ni yóm Dwata laen dù là gbeken du, yóm Dwata hol gónó mogot.

Kehewà 8:6

Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.