Isaya 42:7 - Udél Dwata: Gna Kesfasad ne Lomi Kesfasad

⁷ Angat htonem yó kem butô ne angat hewaem yó kem tau geblanggù lem yóm gónón kmifu.

Isaya 42:7 Referans Kwoze

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Isaya 49:9

Yó udélu ebè yó kem tau geblanggù, monu mò kul, ‘Hewà ye ne.’ Ne yó kem tau nô bè gónón kmifu, yó bud monu mò kul, ‘Hewà ye ebè layag ne.’ Kehlingónu kul bè yóm deng kegewà le, lómón ke ubiha mótób bè talak bilil.

Isaya 35:5

Bè yóm kkólen, gotu htonen yó kem butô ne hfungolen yó kem bokong.

2 Timuti 2:26

ne bud mulék he yó nawa le, ne gewà le se kul gu lem yóm holot Seitan. Yakà deng gekfóen kul, ne hloloen kul yóm kun kóyô.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Kun Snulat Luk 24:45

Ominen yó heglileb du kul yóm tehe deng hsulat Dwata yó,

Deng Hegfan 3:18

Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.

Kun Snulat Jan 9:39

Ne yó bud mon Jisas, monen, “Ni se nógówu elem benwu anì sentólóngu kem tau. Htonu yó kem tau butô, ne hbutóu yó kem tau mton.”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

Isaya 42:22

Okóm ni, deng wen tau megef kul yó kem kun tau, gotu nwa le kimu le. Wen se bélê le deng knukub le lem sol nelem, wen se bélê le bnos le gónó le kmukub kul. Gotu negef le kimu le ne laen kô dù tau tmóbóng kul.

Isaya 42:16

Angat nalaku yó kem dou tau butô bè yóm lan là deng kul sulék lan du. Angat henbalingu bélê le layag yóm tehe gónón kmifu ne angat hlóhu bélê le yóm lan sebsuk. Ni se yóm fasadu kul, là kóen bud mulék elem baku.

Kun Snulat Jan 9:7

ne monen mò du, “Lemwóti ne, nam e mouf bè busung Silom.” (Yó lan nim Silom ni, “Hógów.”) Ne tahu se, lemwót yóm tau butô yó nan e mouf. Timbow deng koufen, tódô mton se ne tódô mulék ebè gónóen.

Mika 7:9

Tódô henbalahu yóm ktafak Dwata do, yakà denge gemsalà béléen. Okóm kogolen bè yó, bud nfihen ou ne tnafaken yó kem hohonu bè kdê yó kem sidek deng nmò le béléu. Tódô hewà Dwata o lem yóm gónón kmifu, nwiten o ebè layag ne bud tonu yóm tey ktedengen.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.